Masamu 82 - Amazwi Yakwe Leza 2013

Leza ali kateeka Mukulu

¹ Leza aliwe akateeka icilye ca mwiyulu. Wene akapingula imilandu pakasi kakwe tuleza.

² Wene akuti, “Uzye ukufika lilaci lino mwemo mulata ukupokolola antu alufyengo? Uzye pacani cino mwemo mwatemwa ukuvwangila antu aipe?

³ Si mule mwavwangila yao aulilwa nga na ana yasyale. Mwacitila apina na yao azunyiwa ukulingana ni nsambu zyao.

⁴ Tulini yayo azunyiwa na yayo aulilwa. Yapususyini uku antu aipe, amaka!”

⁵ Yene imbutuma nupya atumpe! Imiyele yao itazifile nanti panono, nu ulungami cili kwati watiufuma muno nsi.

⁶ Navwanzile inti, “Ala mwemwe tuleza, mwensi kwene mwemwe ana yakwe Leza Wapapelapela.

⁷ Lelo mwemo mulafwa ivikafwa antu yonsi, umi winu ulasila vivi kwene ivikasila umi wa ntunguluzi.”

⁸ Katuka, we Leza, nduteeke insi yonsi ya pano pansi, pano antu ya mitundu yonsi akwako.