Masamu 81 - Amazwi Yakwe Leza 2013

Ulwimbo lwapa wanda wa uzevyo

¹ Lumbanyini Leza impalume itu, imbilini Leza wakwe Yakobo.

² Saulini ulwimbo, mwalizya nu tungoma. Insawa zilile ningo ni zeze

³ Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

⁴ Pano ali lamulo lyamu Izlaeli, lili lamulo lyakwe Leza wakwe Yakobo.

⁵ Wene walipile ku amu mupanda wakwe Yosefu apa nsita ino yafumile mu mpanga ya Eguputo. Nga alino lyene nuvwa izwi ntamanyile ale likuti,

⁶ “Ala asi anene namupokile ivisendo apaviye ivyamutonsizye, namwisizya ni mise pansi muno mwasinzilanga.

⁷ Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

⁸ Uvwini kuno vino nkumusoka mwe antu yane, Si cange cizipe ndi mwe ina Izlaeli munganguvwa!

⁹ Mutezya mwaya na kaleza akaluwi, nanti ukupepa tuleza utuluwi utwa inamasi.

¹⁰ Nene indi Yawe, Leza winu, wiyo uwamufumuzizye mu mpanga ya Eguputo. Asamini nga nani namamutezya cakulya.

¹¹ Lelo antu yane yakana ukunguvwa. Aina Izlaeli yakana ukunjela.

¹² Caleka nani njata vivyo kwene yasyala aumalale imyenzo, pakuti yaicitila vino aisikulu yakulonda.

¹³ “Ndi cakuti antu yane iyanguvwila, Aina Izlaeli ndi cakuti yamalondelanga inzila zyane,

¹⁴ ngano lyene natinjacimvizya anisi yao, nu kuyatonsezya yao akayalwisya.”

¹⁵ Antu yano yapata Yawe, yangiza yacimbe kunoli ulanda ulanda. Nu kuvunukwa kwao kungikalilila umuyayaya.

¹⁶ Ningamwimula lyene uku usu wa ngano, Utonyoleke wakwe cimwi, nu kumwikusya uku uci uwamu mulunda.