Masamu 75 - Amazwi Yakwe Leza 2013

Ukulumbanya Leza, kapingula wa cumi

¹ Twakutaizya we Leza, twakutaizya! Tukulumbilizya vino ucindami wako waya nu kulanda ivintu ivyakuzunguka vino wacita!

² Leza wavwanga wati, “Apa nsita ino iyasontwa, ali ino nemweneco ndapingwilapo umu kulungika.

³ Nanti sile insi ikasunkane kumwi na onsi aikala mwenemo, anene kwene ndalemelela umufula wakweyo.

⁴ Antu avilumba nemo nkayanema inti, ‘Tiini ukuyuvwa,’ nga na antu aipe nayo nkayanena inti, ‘Sazyini ivilumba vinu.’

⁵ Sazyini ukuitutumula nu kulanda ivyakumpontela.”

⁶ Upinguzi usifuma ku ufumondaka nanti ku uwondaka, nanti ku katutu nanti ku kayeya.

⁷ Lelo akuli Leza sile wenga ali kuno ukafuma, aliwe akacefya yamwi nu ku kuuzya yamwi, nu kufipilila wensi pyu!

⁸ Yawe alemile ulwako mu minwe, uluzilemo waini umukali wakwe cimwi, wino akutambikizya uku antu yonsi apanonsi. Aipe yonsi yali nukumwa tonsi pyu, yafipilile nu twakusyalikizya.

⁹ Lelo nemo, ntalatala inte ukulumbanya Leza wakwe Yakobo, nanti ukumwimbila inyimbo zya malumbo.

¹⁰ Leza Wene alatembola amaka ya antu aipe, lelo alungilizya amaka ya antu akacita vyaololoke. Kuli Kiimbisya wa Nyimbo. Amasamu yakwe Asafu akwimbila.