Masamu 67 - Amazwi Yakwe Leza 2013Ulwimbo lwakutaizya 1 Leza, tuyelele uluse nupya tupolelele, utulole luse luse, 2 pakuti antu yonsi apano nsi, yamanya vino wemo ukalonda, na antu ya mitundu yuze apakuti yamanya ukuluzi wako. 3 Leza, ala leka antu yakulumbanya, leka antu yonsi yakulumbanya! 4 Leka imitundu iyasansamuka, iyaimba ni nyimbo zya nsansa, pano wemo ukalinganya apakupingula antu, ukatungulula ni mitundu ya antu yonsi. 5 We Leza, leka antu yakulumbanya, leka antu yonsi yakulumbanya! 6 Umusili watiumezya ivimelwa. Icacumi, we Leza, we Leza witu, watutupolelela. 7 Leza, ala watutupolelela. Antu insi yonsi kayakucindika. |
Mambwe-Lungu Bible © The Bible Society of Zambia, 2013
Bible Society of Zambia