Masamu 64 - Amazwi Yakwe Leza 2013

Ipepo lyakulenga ukucingililwa

¹ Awe lyene nemo catala, We Leza ungala ukutike ipepo lyane! Nemo pasi pa ntete, ungazwilizyeko uku anisi yane!

² Ntuule kuli yacikoma yaa, akumpangila umu umfisolo. Si ungala untuule ukwi umba lya vipondo vii.

³ Indimi zyao zyala zyononeka, zyanyolwa wa vipanga. Na mazwi yao aipe yakapontomoka nu kuyavwinta wa nceto.

⁴ Muno yasokama umu kafuma inceto ala yakuzivwintila apa antu asuma. Yakazilasa nu kuzipumikizya ukwaula ni ntete.

⁵ Yakakomelezyanya, nga yapanga ukucita iviipe. Yakauvwana nu kwakuya teyela inkose zyao. Ala yene yakulola kwati kusi umwi angayalola.

⁶ Lino yakupanga ukucita iviipe, yene yakati, “Eya mwandi, paa apapela ukupangana!” Ee kwene umucumi, amano ya muntu, yaya acimpelezya!

⁷ Mwalola lelo! Leza nawe wasya avwintile inceto zyakwe pano yali nu kuyapumikizya sile papa kwene pano yali.

⁸ Pamulandu wa mazwi yao ali pano nawe alayononela, yonsi yayo alalola kweneko yalakunta sile imitwe.

⁹ Ali lino lyene nanti yonsi yalaoopa, yalalanda na pa vintu vino Leza wacita, nu kwelenganya apa micitile yakwe.

¹⁰ Antu asuma yalazanga pamulandu wa vintu vino Leza wacita. Nu kuzina lyene yalazina kunoli. Icacumi, antu asuma yonsi yalamulumbanya.