Masamu 63 - Amazwi Yakwe Leza 2013

Ukulumbuluka pali Leza

¹ We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

² Nemo nkukulukisya ukuti nkulole, umwi sano lyako ilya muzilo, muno ningalola amaka yako nu ucindami wako.

³ Uluse lwako ulwamuntaputuka, lwazipisya ukuluta nu umi kwene. Fwandi ali cino nemo, namakuwanzizyanga

⁴ Nemo namakutaizyanga, amanda pe, aumi wane onsi pano nsi. Pa kupepa, namakatusyanga amakasa umupela kunuli.

⁵ Umwenzo wane ulaikuta, ndaimbila ni nyimbo zya luzango izya kukulumbanya.

⁶ Nga natindala pa musanzi wane, nkakwiusya, nkakwelenganyapo usiku onsi.

⁷ Pano wewe uli kazwa wane insita yonsi, nkukwimbila umu cisao ca maapa yako.

⁸ Kuli wewe ali kuno nanyinyinda, ni kasa lyako ali lino likankumbatila apa kumpususya.

⁹ Antu akalonda uku nkoma, yene yalatelemukila uku cifulo ca afwe.

¹⁰ Yalakomwa uku lupanga, ni mimbulu ilalya ivyala vyao.

¹¹ Lelo umwene umusambazi wa mpanga ino, wene alakuzangila we Leza. Na yao yonsi akalondela we Leza, yalasansamuka. Lelo utulomo twakwe yayo akatumpoka, twene yalatumatilizya.