Masamu 6 - Amazwi Yakwe Leza 2013

Ipepo lyakulenga uwazwilizyo mu nsita ya ntazi

¹ We Yawe, utaya ni cipyu apa kunkalipila, nanti ukumvunuka mu ukali wako!

² Ya na mizu kunondi, we Yawe, pano nemo natonta naongoka, umpozye we Yawe, pano nati mpomponteka nu mu mafupa.

³ Umwenzo wane pasi pakunyongotoka. We Yawe, uzye vikwene vimacitika mpaka ukufika lilaci?

⁴ Senukila kunondi We Yawe, nduntuule. Pano wantemwa, ndunkulule ku mfwa.

⁵ Asi yafwe foo, yano yangakwiusya. Aweni angakulumbanya uku malindi?

⁶ Ukuteta kwati kuntonsya. Cila usiku nkulukusya sile aminsozi suka umusanzi wane iutipata na minsozi.

⁷ Ulanda watiuleka amanso yane iyayenza, nu kukota natinkota apamulandu na anisi yane.

⁸ Fumini panondi, mwensi mwe yakacita ya viipe! Yawe watanguvwa kuno nkumulilila.

⁹ Yawe watatezya kuno nkumupapata, Yawe watapokelela ipepo lyane.

¹⁰ Anisi yane yonsi kayuvwe insonyi, yapelelwe na mano. Yalutonye, ni nsonyi ziyalemu.