Masamu 53 - Amazwi Yakwe Leza 2013

Davidi walanda ukuti Leza alapezya aipe.

¹ Iciwelewele umu mwenzo wakweco cikati Leza kutaya. Antu ya mwata ndi uo yononeka umu mano. Nupya ivicitwa vyao ivyawinyi. Kutaya nanti wenga akacita ivilungame.

² Ukwiyulu Leza akalolekesya apa ana ya antu, nu kulolekesya ndi cakuti pano nsi palipo wenga uwamano akalonda Leza.

³ Yonsi pyu yamufutatila. Yonsi pyu pano yapela, yakowela. Pasi nanti wenga akacita ivisuma, nanti wenga uwambezu.

⁴ Leza akuuzya akuti, “Uzye yonsi akacita iviipe, umulandu wakuntamanya acino yakaifizya? Yene yikalila sile ukwiyila antu yane nu kumpepa yasimpepa foo.”

⁵ Ukuya kwene intete zino yatatala yalemwa zilayalema, pano Leza amasansanta amafupa ya anisi yao. Cimayaletela insonyi pakuzana ukuti Leza watayatazyela.

⁶ Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.