Masamu 52 - Amazwi Yakwe Leza 2013

Akasombezya auze yalasyama

¹ Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

² Wemo watemwa ukupanga kucitila auzo iviipe, ululimi lwako lukoline nu lwembe ulukalipe, wemo watemwa ukutumpwila auzo.

³ Wemo watemwa iviipe ukuluta ivisuma, watemwa intumpu ukuluta kulanda icumi.

⁴ Watemwisya kutaka amazwi akanyengula umwenzo, makuole we!

⁵ Endi mwandi, Leza alakufyatila alakufyambata, amanda yalakuzana, uluulilwa nu mwakwikala. Wene alakutenula nu kukufumya muno nsi ya umi.

⁶ Alino asuma apakulola icintu cico, yalaoopa, yalakuseka nu kukuseka iyati,

⁷ “Uzye asi ali wiya uwakananga ukuzina kuli Leza? Wene wasumvile sile amano uku vyuma vyakwe nyanya, ali muno nu mwenzo wakwe onsi wasintilile!”

⁸ Lelo nemo nayasile wa muti umuolivi, ukakulila pipi ni ng'anda yakwe Leza. Nataila umu kutemwa kwakwe Leza ukwa pe.

⁹ Namakulumbanyanga sile, we Leza pa vintu vino wacita. Namapaalilanga mwi zina lyako, apa manso ya antu yako. Namakutaizyanga amanda pe, we Leza, pa vintu vino wacita. Pa manso ya antu yako, ndalanda ukuti wewe musuma, pano wewe musuma.