Masamu 47 - Amazwi Yakwe Leza 2013

Ulwimbo lwakulumbanya Leza kateeka wa mitundu yonsi.

¹ Komelini amakufi mwe antu ya mitundu yonsi! Sanzulini amazwi apa kwimbila Leza ni nsansa!

² Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

³ Aliwe walesile kuti tucimvye imitundu yonsi, nu kuleka ukuti twateeka ainamasi.

⁴ Ali wino watusolwela ni mpanga ino tukaikalamo, ino tukamekelapo swe antu yakwe, swe yano watemwa.

⁵ Awiyo Leza waya uku kwikala pa cilimba ca wene! Yakumumila utupundu, yakulizya ni ntandala!

⁶ Imbilini Leza inyimbo zyakumulumbanya, si aleni imbangini mwe! Imbilini amalumbo uku musambazi.

⁷ Leza ali kateeka wa nsi zyonsi, mulumbanyini umu nyimbo.

⁸ Leza aliwe wateeka imitundu yonsi ya antu, wikala apa cilimba cakwe icawene, icamuzilo.

⁹ Yakateeka ya inamasi nayo vwile ali pakwiza. Yakongana apali ponga, na ntu yakwe Leza wakwe Abulaamu. Ee, icacumi Leza ali mweneco wa nkwela zyonsi izya vita, ali kateeka wakwe yonsi!