Masamu 43 - Amazwi Yakwe Leza 2013

Ipepo lyakwe wiyo ali mu uzya

¹ We Leza, si mvwangile uku antu atakwata uluse, yayo atakusakamala, untulanye uku antu ya ufi nupya aipisye yamwi!

² Pano awewe Leza, wewe ukancingilila. Nga fwandi icani cino ungantazyelela? Cino ningapita umukungumale icani, pamulandu sile wa anisi yane?

³ Nkozezye sile uluswepo lwako, undangilile nu ufumacumi wako uleke avino vinkolelele, vintwale uku Zioni, uku mwamba wako uwamuzilo, nu kunjingizya umwi sano lyako, muno wikala!

⁴ Nga alino lyene ndaya nkapalamile nu ku kavuwa kako we Leza, ukwaya insansa zyane nu luzango. Ali kuno ndazangila nu ku kuwanzizya mwi zeze, Leza, we Leza wane!

⁵ We mwenzo wane, icani fwandi cino ukungumalile vii? Icani cino ukunyongotekela? Tailanga sile muli Leza! Kande nalukumutaizya nupya kwene, pano wene ali Katula wane na Leza wane.