Masamu 39 - Amazwi Yakwe Leza 2013

Ipepo lya kuilongwela kuli wiyo akuculisya

¹ Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

² Nemo nikalanga cele ukwaula kusyengana, nanti sile kungaya icintu icisuma! Lelo ucuzi wane wakulilanga sile kweneko.

³ Umwenzo wane wapyanga sile umukasi. Nga nelenganya sana, lyene umwenzo iulundulukako ukupya umukasi. Nasuka naposiwa ukuzizimizya, nga mvwanga amazwi akuti,

⁴ “We Yawe, unene pano umi wane ulapelela, unene na pano amanda ya umi wane yalasilila. Nsambizye uleke manye vino umi wane ukaapita zuwa.”

⁵ Ala wemo wipimpanzya insita ya umi wane, uwakwikala pano nsi! Kuli wewe umi wane ukaloleka sile uwa ciwelewele. Nu mucumi umuntu wensi waya sile wa mupu,

⁶ nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

⁷ Ale lyene, Mwene, icani nupya cino ningataila? Nemo awewe sile wenga mpo wino nataila!

⁸ Uwa ntulanya uku maifyo yane yonsi, utaleka insekwe uku viwelewele.

⁹ Namaikalanga cele, ukwaula ukuvwanga nanta cimwi, pano awewe watuleka kuti ncule vii.

¹⁰ Utatwalilila ukuncuzya nupya! Pano namaifwila sile lyene uku vyumo vyako!

¹¹ Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.

¹² “We Yawe, uvwa ukwi pepo lyane, unguvwe nakuli vino nkukupapata, utasula sile lino nkukulaizya! Nemo nene mwenyi apa nsita sile inono ndi vino ni vikolwe vyane vyonsi vyali.

¹³ Utandolesya uyi uyi, leka mpemwile kweneko, lino ntacili mpite nu kuililila.”