Masamu 26 - Amazwi Yakwe Leza 2013

Ipepo lya muntu musuma

¹ We Yawe, mvwangile kweneko, pano nkacita ivisuma. Nupya nataila muli wewe we Yawe, ukwaula kusiima.

² Utale uncecete, we Yawe, nu kunjezya. Umpime umu myelenganyizizye yane nu muvilondwa vyane.

³ Pano ukutemwa kwako ali kuno kukantungulula lyonsi, nupya nkapita mu ufumacumi wako.

⁴ Nsi iizya na antu antumpu, nanti ukuikumika ku antu asomvi.

⁵ Nasoka wakwe cimwi ukuya mwi umba lya antu aipe, nupya nkaleuka yakacita ya viipe.

⁶ We Yawe, nkafulala uku minwe apakulanga ukuti nene uwakaele nga inkupepa apa kuzinguluka kavuwa kako.

⁷ Nkaimba ulwimbo lwakukutaizya we Yawe, nu kutakoola vicitwa vyako ivyakuzunguka vyonsi.

⁸ We Yawe, nemo natemwa ukwikala umu ng'anda yako, umu cifulo cako umwazula ucindami wako.

⁹ Utezya ungonone pali ponga na yakaifya. Utaleka mfwe pamwi na atazi yakatwe.

¹⁰ Pano yene insita izili zyonsi yakacita ivya ukakasi, nupya umu makasa yao akwe ndilo mwazula vya mafukakanwa.

¹¹ Lelo nemo nkacita ivilungame, Ya na mizu kunondi nu kunkulula.

¹² Nene mucingililwe ku uzanzo onsi, nu mu ukongano wa antu yakwe namalumbanyanga Yawe.