Masamu 24 - Amazwi Yakwe Leza 2013

Umwene Walulumbi na antu yakwe

¹ Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

² Pano wene waipanzile pa matenga yakwe yemba apisika ya nsi, nu mufula wakweyo apisika ya matenga yakwe yayemba.

³ Uzye aweni akweti insambu yakutumbela apa mwamba wakwe Yawe? Uzye aweni angazumiliziwa ukwingila mu Ng'anda yakwe ikulu?

⁴ Awiyo uwa minwe yakaele nu wa mwenzo uswepe, nupya asipepa utuluwi nanti ukulaya ivyaufi.

⁵ Wiyo alapolelelwa kuli Yawe, alalambulwa kuli Leza Katuula wakwe.

⁶ Vivyo ivyaya antu akamulonda, yayo akaiza kuli Leza wakwe Yakobo.

⁷ Yulikini mwe mpongolo, yulikini mwe milyango yampiti, kuti umwene walulumbi aingilemo.

⁸ Uzye Umwene walulumbi kwene wiyo aweni? Wene a Yawe, uwamaka nu ulamba, Yawe wino akacimvya mu nkondo!

⁹ Yulikini mwe mpongolo, muyule imilyango yampiti, kuti Mwene walulumbi aingilemo.

¹⁰ Uzye fwandi Umwene walulumbi kwene wiyo aweni? Yawe Wamaka yonsi, ali Mwene wa lulumbi.