Masamu 150 - Amazwi Yakwe Leza 2013

Lumbanyini Yawe!

¹ Lumbanyini Yawe! Lumbanyini Leza umu Ng'anda yakwe ikulu! Mulumbanyini apa maka yakwe umwiyulu!

² Mulumbanyini apa milimo yakwe ikulu. Mulumbanyini na pa ukulu wakwe uwamaka!

³ Mulumbanyini mukulizya intandala, mulumbanyini umu ngoma na mazeze.

⁴ Mulumbanyini umu tungoma nu kucina. Mulumbanyini umu mazeze nu mu mitolilo.

⁵ Mulumbanyini umu visekese apa maka, mulumbanyini umu kulizisya visekese.

⁶ Lekini icintu consi icikafuta calumbanya Yawe! Lumbanyini Yawe!