Masamu 146 - Amazwi Yakwe Leza 2013

Ukulumbanya Leza Katuula witu

¹ Lumbanyini Yawe! We mwenzo wane, lumbanya Yawe!

² Namalumbanya Yawe apa nsita ino ncili umumi, umu umi wane onsi namaimbilanga Leza wane.

³ Mutataila muli yakateeka, umu mwana wa muntu atange amupususye.

⁴ Lino yafwa, yene yakaswilila ukwivu, nu wanda kwene uo amapange yao yasililikila.

⁵ Alongo antu yano Leza wakwe Yakobo ali kazwa wao, yano yakapaalila muli Yawe Leza wao,

⁶ wiyo uwaumvile iyulu ni nsi, na yemba, nga na vyonsi ivyaya mwenemo. Wene akafikilizya amalayo yakwe pe.

⁷ Akapeela acule insambu zyao, ni cakulya uku yanzana.

⁸ Yawe akapeela impafu amanso, nu kukatusya yayo apona.

⁹ Yawe akawaka aenyi, akaikala mu mpanga itu. Wene akawaka yamukamfwilwa na ana asyale, lelo akavulunganya inzila zyakwe yakaifya.

¹⁰ Yawe aliwe akateeka umuyayaya. A Leza wako, we Zioni, wino alateeka insita zyonsi.