Masamu 145 - Amazwi Yakwe Leza 2013

Ulwimbo lwa kulumbanya Yawe

¹ Namalandanga ukulu wako, we Yawe Leza wane, nupya ndalumbanya ni zina lyako amanda yonsi.

² Namakutaizyanga amanda yonsi, nu kulumbanya izina lyako pe na pe.

³ Yawe wene umukulu nupya uwakulumbanya wakwe cimwi, ukulu wakwe kusi angautezya.

⁴ Muno inkulo zyalondenkanila, antu yalatakola imilimo yako. Yene yalalanda imilimo yako iyamaka.

⁵ Yene yalalanda pa lulumbi nu ucindami wako, nga nemo ndaelenganya pa milimo yako yakuzunguka.

⁶ Nupya antu yalatakola amaka akulu ya milimo yako, nga nani ndalanda ukulu wako.

⁷ Yalalanda vya luse lwako ulutaikulila, nani ndaimbila vya ulungami wako.

⁸ Yawe uwakutemwa nupya wazula amizu. Akalengela ukusoka nga wakwatisya amizu.

⁹ Yawe umusuma kuli yonsi, nupya waya na mizu ku viumbwa vyakwe vyonsi.

¹⁰ We Yawe, iviumbwa vyako vyonsi vilakulumbanya, na yayo akufukilila yalakutaizya.

¹¹ Vyene vilalanda pa lulumbi lwa wene wako, nu kuvwanga vyapa maka yako.

¹² Apakuti ali wensi akamanya imilimo yako iyalulumbi nga nu lulumbi lwa ucindami wa wene wako.

¹³ Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

¹⁴ Wene akaazwilizya yayo yonsi ali umu ntazi nga nu kukatusya yonsi yao apona.

¹⁵ Amanso yakwe vyonsi ivipuma yakulola pali wewe, nga nawe ukavipeela ivyakulya apa nsita ilingine.

¹⁶ Awewe ukaifiima, nu kwikusya consi icaumi icikulonda.

¹⁷ Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

¹⁸ Wene waya umupipi na yonsi akakuuta kunoli, yonsi akakuuta kunoli umusi mwisyente.

¹⁹ Wene akapeela ivikalonda akamoopa, akauvwa ukukuuta kwao nu kuyatuula.

²⁰ Yawe akawaka yonsi amutemwa, lelo yakaifya yonsi yene akayalovya.

²¹ Akanwa kane kamalumbanya Yawe, na antu yonsi kayalumbanye izina lyakwe ilya muzilo amanda pe.