Masamu 142 - Amazwi Yakwe Leza 2013

Ipepo lyakulenga uwazwilizyo

¹ Nkulaizya izwi lyane kuli Yawe, nkulenga uwazwilizyo. Nkulaizya kuli Yawe, inkupapata.

² Nkutuula umulandu wane kunoli, nkupongolola ulanda wane kunoli.

³ Umwenzo wane usi na maka, lelo wemo wamanya vino ningacita. Umu nzila yane yanteya ulukose.

⁴ Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.

⁵ Nkukwama wewe, we Yawe, inkuti, “Wewe uli cele lyane, wewe Cuma cane muno nsi ya umi.

⁶ Ungala sile uvwe ukupapata kwane, ulanda wati ukulisya, untuule kweneko kuli yao akuncuzya pano yatiyandusya amaka.

⁷ Sisya umwenzo wane umu munyololo, apakuti ntaizye izina lyako nupya, umwi uvi lyakwe yakacita ya vyaololoke, apamulandu wa visuma vino wancitila.”