Masamu 141 - Amazwi Yakwe Leza 2013

Ipepo lya manguzi

¹ We Yawe, nalaizya kunuli, kalauka ukungazwa, teya amatwi uvwe ukwizwi lyane kuno nkupapata.

² Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

³ We Yawe, ika kalinda pa kanwa kane wakuti alinde pa mulyango wa mulomo wane.

⁴ Utaleka umwenzo wane ulole ukukucita ivintu iviipe nu kuomba imilimo ya ukakasi pamwi na yano yakacita ivyamusalula. Nupya utaleka indye ivyakulya vyao nanti viye ivyamalila uli.

⁵ Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

⁶ Lino yalazukuza yakaputula ya milandu yao umu ngwema zya mawe, ali lino yalatezya ukuti amazwi yane yali alyompe.

⁷ Yalavwanga yati, “Amafupa itu yasansantikila pa milomo yi lindi, ungati umuntu akalima nu kukomola umusili.”

⁸ We Yawe, nalozya amanso yane kunuli, nasimwilila sile kuli wewe, utatazyela umwenzo wane.

⁹ Unsunge uku nkose zino yatiyanteya. Nu ku maliya yakwe yakacita ya viipe.

¹⁰ Leka aipe yaponele umu masumbo yao aeneco, lelo nemo nsyale uwaula indema.