Masamu 138 - Amazwi Yakwe Leza 2013

Ipepo lya kutaizya Leza

¹ Nakutaizya we Yawe nu mwenzo wane onsi. Nkukwimbila pa manso ya angeli.

² Nkukupepa umu kulola uku Ng'anda yako ikulu. Namatakola izina lyako, pamulandu wa citemwiko cako, ni cisinka cako. Ulayo wako wakula ukuluta apa lulumbi lonsi.

³ Uwanda uno nalaizye wanguvwile, wandundile na maka.

⁴ Yamwene yonsi apano nsi, yamakulumbanya, we Yawe, pano yuvwa amalayo yako.

⁵ Si kayalukulumbanya inzila zyakwe Yawe, pano ululumbi lwakwe Yawe ulukulu.

⁶ We Yawe, nanti angala wacindama vivyo, lelo ukalolekesya pali yao aicefya, avilumba nayo yatange yafisame kunuli.

⁷ Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.

⁸ Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!