Masamu 13 - Amazwi Yakwe Leza 2013

Ipepo lyakulenga uwazwilizyo

¹ We Yawe, uzye cilapelela pi? Uzye ulanjililila vivyo kwene? Utamfutatila! Uzye ulangalukila?

² Uzye namazizimizya amasakamiko ukufika lilaci? Uzye indinzile ukwikala nu ulanda umu mwenzo usiku nu musanya? Uzye umwanisi wane nawe alata lilaci ukuncimvya?

³ Unjiusye nu kungasuka, We Yawe, Leza wane. Unjule amanso, pano limwi ningakasula utulo twamfwa.

⁴ Nu mwanisi wane atandike nu kuyuvwa ati, “Namucimvya.” Yano yakancuzya nayo yangazanga sana apakulola vino napempezyoka.

⁵ Lelo nemo inkutaila umu kutemwa kwako ukwa pe, we Yawe. Ungala uleke umwenzo wane uzangile uku wazwilizyo wako.

⁶ Namaimbila Yawe, pano wene wancitila ivisuma.