Masamu 124 - Amazwi Yakwe Leza 2013

Leza ali kavwangila wa antu yakwe

¹ Uzye cange ciye uli ndi cakuti Yawe atali uku mbali itu? Ale vwanga tuvwe we Izlaeli!

² “Ndi cakuti Yawe atali ku mbali itu, lino anisi itu yatuzanzanga,

³ avino lyene yange yatumile sile, ala tucili apuma lino icipyu cao cicili cikulunkuma.

⁴ Mulamba nawe ngano watuunzizye, na manzi yatutuwizya,

⁵ icakuti nu mukuku iutusenda mpaka itumwela.”

⁶ Lumbanyini Yawe, uwalenzile ukuti yatatutakanya uku mino yao.

⁷ Imyenzo itu yapusunsuka sile, wa cunyi uku lukose lwa muwamvi.

⁸ Uwazwilizyo witu waya ukwi zina lyakwe Yawe, wiyo uwacisile iyulu ni nsi.