Masamu 122 - Amazwi Yakwe Leza 2013

Ukulumbanya Yelusalemu

¹ Nazanzile wakwe cimwi lino nuvwile yakuti, “Katuye uku ng'anda yakwe Yawe.”

² Ingazo zitu lyene zimilile umukasi ka mpongolo zyako, we Yelusalemu.

³ Yelusalemu umusumba ukuulwe ningo, nupya ivikuulwa vyakweo vyonsi ivititikane.

⁴ Kukwene kuli kuno imitundu yomokela, imitundu yamu Izlaeli kuli kuno ikwiza, uku kupeela intaizyo kuli Yawe ukulingana ni lamulo lyakwe.

⁵ Kuku kwene akuno walasika yamwene amu Izlaeli apa vilimba vya upinguzi, ivilimba vya wene vya amutundu wakwe Davidi.

⁶ Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

⁷ Lekini umutende uye umukasi ka malinga yakwe, nga nu kucingililwa kuye umwi sano lyakwe.”

⁸ Apa mulandu wa inane na yacuza yane namavwanga inti, “Yelusalemu, umutende uye munuli!”

⁹ Apa mulandu ni ng'anda yakwe Yawe Leza witu, namakupepela uye nu longo.