Masamu 121 - Amazwi Yakwe Leza 2013

Yawe ali cisyangu citu

¹ Nasanzula amanso yane uku mwamba. Uzye uwazwilizyo wane umafuma kwi?

² Uwazwilizyo wane umafuma kuli Yawe, wiyo uwaumvile iyulu ni nsi.

³ Atalaleka ulwazo lwako lusyetuke, wiyo aakakulinda atalatala asipule foo.

⁴ Endi, kalinda wakwe Izlaeli, asitala asipule nanti ukukasula.

⁵ Yawe akakuwaka, wene ali umu mbali yako, ukwi kasa lilungi.

⁶ Utalapya ukwi lanzi mu nsita zya musanya, nanti sile ukucuziwa nu mwezi umu nsita zya usiku.

⁷ Yawe alakucingilila uku mazanzo yonsi, alawaka umi wako.

⁸ Yawe alakucingilila lino ukwingila na lino ukufuma, ukutandika sile apilelo mpaka na manda pe.