Masamu 12 - Amazwi Yakwe Leza 2013

Ipepo lyakulenga uwazwilizyo

¹ Ntuule we Yawe! Kusi antu asuma asile penepo, nanti sile antu afumaluke yasila.

² Yonsi yakatumpwilana. Yakalyongofya apa tunwa twao, nupya yaya ni ndimi ziili.

³ Yawe angala aputule imilomo kuli yayo yonsi akatumpoka, nu lulimi lwakwe yayo akalanda ivya kuyuvwa.

⁴ Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”

⁵ Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

⁶ Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

⁷ We Yawe, sungala walukutusunga nu kutuwaka pe uku luko luu.

⁸ Pano antu aipe yakutuzinguluka umu mbali nu ukakasi nao iuvulisya umu antu.