Masamu 114 - Amazwi Yakwe Leza 2013

¹ Lino aina Izlaeli yafumile umu mpanga ya Eguputo ali kuti lino amu mupanda wakwe Yakobo yafumile umu mpanga ya lulimi ulwenyi,

² alino Yuda wasangwike ncende yamuzilo yakwe Leza, aina Izlaeli yasangwike antu amu wene wakwe.

³ Walanga Yemba Muyenzu walola cico, wutwike. Nu luzi Yodani nalo lwimilile sika, iluta ukupita.

⁴ Imyamba nayo yatolokanga amalimba wakwe yasuuku. Imilundu nayo kwene yatolokanga wa twana twa mfwele.

⁵ Icani fwandi cino we yemba wutukile? Nawe we luzi Yodani, icani cino wimilile uta nu kupita?

⁶ Namwe mwe myamba, icani cino mwatolokelanga wakwe yasuuku, namwe kwene mwe milundu, cino mwatolokelanga wa twana twa mfwele?

⁷ Tenta we nsi, pano Mwene wiza, tenta apa manso yakwe Leza wakwe Yakobo.

⁸ Wene wasangwile iciliwe ukuya wa cilambe ca manzi na mawe akome ndi ukuya tufukoka twa manzi.