Masamu 111 - Amazwi Yakwe Leza 2013

Kulumbilizya vicitwa ivikulu ivyakwe Leza

¹ Namataizyanga Yawe nu mwenzo wane onsi, mwi uvi lya ukongano wa antu yakwe.

² Iye mwe, ivicitwa vyakwe Yawe nu ukulu! Yonsi yano vikazanzya yakalonda lyonsi ukuviiluka.

³ Vyonsi vino wene akacita, awe nce, pasi pakucindama nupya ivikankala. Icacumi usuma wakwe uwape na pee.

⁴ Umwene asileka ukuti twailila kwene uku vizungusyo vyakwe, wene wakwatisya uluse ni nkumbu.

⁵ Aliwe akateyanyizizya antu yakwe amukwatila icoopo, icakulya nupya asiilila nanti panono uku upangano wakwe.

⁶ Antu yakwe, wayalanga vino amaka yakwe yaya, apakuyapeela impanga iyali iya antu yauze.

⁷ Umwene waya uwacumi nupya uwa ulungi muli vyonsi vino akacita. Amasunde yakwe yonsi yaya sile ningo.

⁸ Yaya amuyayaya, yapilwe umu ulungami nupya acumi.

⁹ Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!

¹⁰ Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!