Mapinda 26 - Amazwi Yakwe Leza 2013

¹ Vivi kwene vino cuuma atange azanwe icisanya pakasi, nanti imvula icisanya, ali vino ukupeela ucindami uku ciwelewele citange cilole mwenemo.

² Vino katiti kakapontomoka na kamimbi nako ikafuma ikapapuka, ali vino ni ntipu zino yakatipwila umuntu wakaele, zitalatala zimulematile.

³ Umukota wazipila imfwalasi, ni cela nu mukowa naco umukanwa kakwe punda, avino ni ntuwa nayo yazipala ukumila itundu lya ciwelewele.

⁴ Utaasuka iciwelewele ukulinga nu welewele uno cakwata, pano limwi ungakolana naco.

⁵ Uwaasuka iciwelewele ukulingana na muno uwelewele wakweco wayela, apakuti citaitunga ukuya icamano.

⁶ Wiyo akatuma inkombe iyaula amano, aliwe kwene akaifyenga sile umweneco, nu kuilengesya insonyi.

⁷ Ukuomvya ipinda umu kanwa ka ciwelewele, caya wa makulu alemale, atange yalenge kuti wimilile.

⁸ Ukupeela umucinzii uku ciwelewele, cili wa kupusa iwe na legeni.

⁹ Ipinda umu kanwa ka ciwelewele lyaya wa musambo wa myunga umu minwe ya mukolesi.

¹⁰ Wiyo akalemba iciwelewele incito, wakola ulapwa, uno ukalasa apita nzila cilaselase.

¹¹ Iciwelewele cikaswilila uku uyunganyi wakwe vino simbwa akaswilila uku malusi yakwe.

¹² Uzye watala walola umuntu akaitunga ukuya uwa mano? Fwandi umu ciwelewele mwene calusya.

¹³ Umukasu akavwanga ati, “Cisama awiyo umu nzila! Mu museo muli cisama mwe!”

¹⁴ Vino icisasa cikasenuka ku na ku pa maincezi, avino nu mukasu nawe akasalokela sile apa musanzi wakwe.

¹⁵ Antu akasu yakatonta na pakulya cakulya, alino yaposiwa nu kwika ivyakulya umu milomo yao.

¹⁶ Umuntu umukasu akaitunga ukuya umucenjele ukuluta napa antu cinimbali yano yangaasuka ningo lino yakwelenganya ivyamano.

¹⁷ Ukuitela umu vikanza ivitakukumile, icili conga nu kulema simbwa umusinda akuipitila.

¹⁸ Umuntu akatumpoka umuze ati, “Awe nkuseka sile,

¹⁹ waya wakwe cipena akuzukuza visonsololwa vya moto nanti ukwanga ni canzo.”

²⁰ Ukwaula inkwi, umoto ukazima. Apasi ukwakwa nu lwete kwene lusiyapo.

²¹ Vivi kwene vino amakala yakanyesuka, ni nkwi izyaka apa moto, ali vino umuntu wa lwete waya apa kulumilizya ivyongo.

²² Amazwi ya muntu uwa lwambo yakolana wa vilyo vilyompe, apakwingila umunda zuwazuwa umuntu aumila namankutu.

²³ Akalomo kaundyondyo ni vitakwa viipe, cili conga sile ni nyungu ikulumbile, iyaula ukoca.

²⁴ Umuntu wa lupato nanti angalufisa uli umu mivwangile yakwe, lelo lwakasi ka munda yakwe, acisanguka.

²⁵ Ndi cakuti wene wavwanga mazwi atelepe, utamuzumila, pano umunda yakwe mwaya ulupato maila cinimbali.

²⁶ Nanti angezya ukufisa ulupato umukucenjeloka, lelo uyi wakwe uli nu kulolekela pa antu kwaula insita.

²⁷ Kimba wakwe polowe alaponelamo umwisikulu, na kakunkulusya wa mawe yalamuwelelela aliwe kwene.

²⁸ Umuntu uwantumpu akapata wiyo akacisa uku ufi wakwe. Akanwa ka undyondyo kakaleta ilovyo.