Mapinda 11 - Amazwi Yakwe Leza 2013

¹ Inteko zya ucenjezi zikasosya Yawe, lelo icipimo icisi caucenjenzi cene cikamuzanzya.

² Icilumba ndi cayapo, pakaiza umuzewanya, lelo apali ukuicefya pene pakafuma amano.

³ Umpomvu wa antu akacita vyaololoke ukayatungulula, lelo antu asi acumi yakaononwa ku ucenjezi wao aeneco.

⁴ Vyuma vitalakucitila nanti cimwi pa wanda wa ukali wakwe Leza, lelo ukucita vyaololoke kungakutuula.

⁵ Wololoke wa antu ampomvu ukayazwilizya umu umi wao, lelo ukwipa kwa mwenzo kukaponya umuntu umweneco.

⁶ Wololoke wa antu ya myenzo miswepe ukayatuula, lelo imyenzo ya makumbukila ikasimwilila ukucita ivya mpulupulu.

⁷ Umuntu mwipe ndi wafwa, nu upaalilo wakwe kwene ala watiulowa. Ukwika umwenzo mu cuma kusileta iciwezya awe.

⁸ Antu akacita vyaololoke yakatuulwa ku ntazi zyao, lelo antu aipe alio yakaponelamo.

⁹ Umuntu wino atasakamala vyakwe Leza akaonona auze ku vilandwa vyakwe. Lelo akacita ivyaololoke yene yakapusuka pamulandu wa umanyililo wa vintu.

¹⁰ Leza ndi wapolelela antu yakwe, umusumba onsi ukakatuka nu kuyemba.

¹¹ Upolelelo wakuzengela aololoke ukayemvya umusumba, lelo imilomo ya antu aipe ikapasa umuzi.

¹² Kasonsomba wa yauze waula amano, lelo umuntu mutekele akawaka kanwa kakwe.

¹³ Wino akaamba auze atakwata inkama, lelo wiyo akasunga inkama waya umutailwe lyonsi.

¹⁴ Ukutaya kusundwa, antu yaya awelewele, lelo ukwaya yampandamano avule, kwaya nu mutende kwene.

¹⁵ Umuntu wino akalipilila umupita nzila impa alazombola intazi, lelo uwapata cico alikala umutende.

¹⁶ Umwanaci wa miyele isuma akacindama, lelo aonsi ivipondo yakakwilila umu upupu.

¹⁷ Umuntu wa luse akazana ivisuma, lelo umuntu wa unkalwe akayonona umwisikulu.

¹⁸ Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

¹⁹ Wiyo akalondesya ukucita vyaololoke wene alaya nu umi, lelo kasimwilila wa viipe alafwa.

²⁰ Antu ya myenzo iipe yakasosya Yawe, lelo wene watemwa antu akacita ivisuma.

²¹ Cumi kwene, antu aipe yalavunukwa, lelo yayo akacita vyaololoke Leza alayatuula.

²² Ndi vino icimpini cakwe zaabu cikalolekela lino cili pa mpuno yakwe kapoli, avino nu mwanaci wa mulomo waya.

²³ Vino antu asuma yakalondesya vikayatwala uku usuma, lelo ivya antu aipe vyene vikakatusya ukali wakwe Leza.

²⁴ Umwi angatwalilila ukupeela ivintu vyakwe luse luse uku yauze, lyene ala akalukulunduluka umu ukankala wakwe. Lelo umwi nawe ndi wati atale aezye, ala wama sile upina utupu.

²⁵ Umuntu wa mwenzo wa luse wene alaya nu longo, na akaazwa auze nawe kwene ali nu kwazwiliziwa.

²⁶ Antu yakatipwila uwalusoko, lelo yakatakizya kakazya wa vilyo.

²⁷ Umuntu wa muzonda uku visuma wene akacindikwa, lelo wiyo akalondalonda iviipe aliwe kwene vilizila.

²⁸ Wino wensi akataila mu vyuma vyakwe alaonza nu kulowa, lelo antu akacita vyaololoke yene yalapuka wa mafwa alembe.

²⁹ Umuntu wino akaletelela amu ng'anda yakwe atalakwata nanti akantu, ni ciwelewele cilaya umuzya wa muntu wa mano.

³⁰ Ukwikala umi wa mpomvu kukapela umi wape, lelo ukukana malango ukulovya uumi.

³¹ Ndi cakuti antu akacita vyaololoke yakapokelela icilambu cao pano nsi, lyene antu alukang'ansi na aipe kwene yonsi yalavunukwa.