Kasambilizya 11 - Amazwi Yakwe Leza 2013

Ivikacita umuntu wa mano

¹ Uwasunga impiya zyako ku mpanga zya inamasi mu uculuzi, pano alala papita amanda avule ulazana umuzano.

² Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

³ Usi mulandu ni ntunga kuno icimuti cawila, cene cikalambalala kuko kwene kuno cawila. Amakumbi ndi yafisya, ala imvula imatonya.

⁴ Ndi cakuti ukulolela ukuti amakumbi yaye ningo, nanti kuti umuza uye ningo, lyene utange ukomele nanti cimwi, nupya utange uzombole nanti cimwi.

⁵ Vino umupasi ukaingila mu mwana mu ndilwa yakwe nyina na mwe antu kwaula ukumanya, avino mutange mumanye vino Leza waumvile ivintu vyonsi.

⁶ Mwakomela imbezu akatondo, mukomela na manguzi kwene. Mutange mumanye ndi mbezu zyonsi zilakula ningo, nanti ndi ukukomela kwa pa nsita imwi ukulaya ningo ukuluta ukwa pa nsita yuze.

⁷ Uluswepo lwa katondo lukasansamusya nupya amanso yakazanga pakulola ilanzi.

⁸ Uwataizya pa myaka yonsi iya umi wako. Nanti ungikala imyaka ivule cuze, uwaiusya ukuti ulalengela kuzimo. Kutalaya cimwi cino ulalolela uku nkolelo.

Ukupanzya ance amano

⁹ Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

¹⁰ Mutaleka imyenzo inu yaaziwa nanti ukucuziwa. Endi, uwance winu utalalengela foo.