Ezekelo 15 - Amazwi Yakwe Leza 2013

Ipinda lya matingi

¹ Yawe avwanga kunondi ati,

² “We mwana wa muntu, uzye umusambo wa mutingi waluta uli umusambo uli onsi uwamu mpanga?

³ Uzye yakauomvya umu musango uli onsi, umu kupangamo icintu? Uzye yangauomvya ukukupangako nanti akalupanda apakukowekako iciviya cimwi?

⁴ Yakausumba sile umu moto nu kupya. Umoto ukaoca insongo zyonsi zyoili, ni cipande ca mukasi naco kwene icipyela kumwi. Uzye umoto, ali uno yangapangako cimwi?

⁵ Apansita ino wali upuma utalinzile ukupangako icintu icili consi. Lyene lino wapya wasikisa, uzye alino ungalinga ukupangako icintu?”

⁶ Icaleka Yawe Simwandalali wati, “Nincitila aikazi yaku Yelusalemu, ndivino nacitile imitingi mu miti yaku mutengo, uno nasumvile umu moto nu kuoca.

⁷ Kwene namasumbangako amanso yane pano yali apakuyalwisya. Yati yapusuka uku moto, lelo umoto uliza uyalye. Alino mulamanya ukuti nene Yawe, lino ndasumba amanso pa kumulwisya.

⁸ Ndasangula impanga yonsi wa lwanga, pano yansangukila. Ivyalanda ne Yawe Simwandalali.”