Ezaya 20 - Amazwi Yakwe Leza 2013

Kasema wapita tupu kuti ciye icimanyililo

¹ Mu mwaka umwi musika mukulu uwa vita uwatumilwe na Saligoni, umwene waku Asilya, waile azanza umusumba wa Asyidodi nu kuupoka.

² Apa nsita kwene ilya walanga Yawe wavwanga mpiti ukupitila muli kasema Ezaya umwana umonsi wakwe Amozi. Wene wamunenyile ati, “Yanga ukazuule insalu zyako zya ndosya nga ni ndyatu uku ngazo zyako.” Ezaya nawe ali pakucita cico, ala akupita tupu ukwaula nanti ndyatu uku ngazo.

³ Lino umusumba wa Asyidodi waposilwe alino Yawe wavwanzile ati, “Ezaya umuomvi wane camusendela imyaka itatu ala akupita tupu ukwaula nanti indyatu uku ngazo. Icintu cii ali cimanyililo ca vintu ivilaponela aina Eguputo na ina Kusyi.

⁴ Vivyo kwene avino umwene waku Asilya alacita. Wene alasenda azya yano alalema ukufuma mu mpanga zizyo ziili. Ance na ikolo yonsi yalapita tupu ukwaula indyatu. Nupya yalapisya amatako apaswe. Icintu cico cilaletela aina Eguputo na ina Kusyi insonyi.

⁵ Lyene yayo yonsi asintilila mu mpanga ya Kusyi nu kuitanka pa ina Eguputo, yaluvwa intete nga ni nsonyi zilayalema.

⁶ Mu wanda ulya antu aikala mu nkumba yakwe yemba yalavwanga yati, ‘Silolini vino caya ku antu yayo yano twasintililemo. Swemo twatailanga ukuti ayano yalatwazwilizya nu kutukulula ku mwene waku Asilya! Owe mwe! Uzye lyene swemo tulapusuka uli?’”