Aina Levi 12 - Amazwi Yakwe Leza 2013

Kuswefiwa kwa anaci pacisila cakuvyala

¹ Yawe apeela Mose malamulo yaa, ati,

² “Nena aina Izlaeli ukuti ndu mwanaci wavyala umwana umonsi, ale waya uwamifitalila pa manda cinimbali, wakwe vino akaaya pa nsita ino akaya ku mwezi.

³ Pa wanda uwalenga cinani umwana wiyo alinzile kusilamulwa.

⁴ Lyene umwanaci wiyo alinzile ukwikala amanda yauze amakumi yatatu, alino angaswefiwa ukufuma ku wazi wakwe uwa pakulela mu nsita iyo. Atalinzile kukumya icintu icili consi camuzilo, nanti kwingila mwi Taalu lya Ukongano lyamuzilo, mpaka kufika nalino insita ya kuswefiwa kwakwe ilasila.”

⁵ Mwanaci ndi wavyala umwana umwanaci, amaya uwamifitalila pa manda ikumi na yani, wakwe vino akaaya pa nsita ino akaya ku mwezi. Lyene alinzile ukwikala amanda yauze amakumi mutanda na mutanda, alino angaswefiwa ukufuma ku wazi wakwe uwa pakulela mu nsita iyo.

⁶ Lino insita yakuswefiwa kwa mpapo yakwe yasila, pa mpapo ya mwana umonsi nanti pa mpapo ya mwana umwanaci, nyina mututu alinzile ukuleta kuli simapepo, pa mulyango wi Taalu lya Ukongano umwana wa mfwele wa mwaka onga, kuti aye uwila wakoca. Nupya alinzile ukuleta icipeele conga nanti inkunda yonga ya wila wa kwelela amaifyo.

⁷ Simapepo apeele amawila yakwe nyina mututu kuli Yawe, alino amucitile ulutambi lwa kufuta amaifyo. Pacisila cakwe vii, nyina mututu ale waya muswepe. Yaa, ali malamulo yano umwanaci wensi alinzile ukulondela pacisila ca kuvyala.

⁸ Mwanaci ndi cakuti atakweti imfwele, alinzile ukuleta ivipeele viili nanti ana ya nkunda yaili, conga ciye uwila wakoca ni cuze ciye uwila wa kwelela amaifyo. Mu musango kwene uu simapepo alinzile ukumucitila ulutambi lwa kufuta amaifyo, nga nawe alaswefiwa.