1 Milandu 6 - Amazwi Yakwe Leza 2013

Yasimapepo Akulu amu mupanda wakwe Levi

¹ Levi wakweti ana aonsi yatatu. Amazina yao a Gelisyomu, Koati na Melali.

² Ana aonsi yakwe Koati a Amulamu, Izali, Hebuloni na Uzieli.

³ Ana yakwe Amulamu a Aloni, Mose na Milyamu. Ana aonsi yakwe Aaloni a Nadabu, Abiu, Eleaza na Itamali.

⁴ Eleaza wali a isi wakwe Pineasi, Pineasi wali a isi wakwe Abisyua,

⁵ Abisyua wali a isi wakwe Buki, Buki wali a isi wakwe Uzi,

⁶ Uzi wali a isi wakwe Zelaya, Zelaya wali a isi wakwe Melaiyoti,

⁷ Melaiyoti wali a isi wakwe Amaliya, Amaliya wali a isi wakwe Aitubi,

⁸ Aitubi wali a isi wakwe Zadoki, Zadoki wali a isi wakwe Aimaazi,

⁹ Aimaazi wali a isi wakwe Azaliya, Azaliya wali a isi wakwe Yoanani,

¹⁰ Yoanani wali a isi wakwe Azaliya (wikwene uwatumikilanga pali usimapepo mu Ng'anda ikulu yakwe Leza ino Solomoni wakuuzile mu Yelusalemu),

¹¹ Azaliya wali a isi wakwe Amaliya, Amaliya wali a isi wakwe Aitubi,

¹² Aitubi wali a isi wakwe Zadoki, Zadoki wali a isi wakwe Syalumu,

¹³ Syalumu wali a isi wakwe Hilikiya, Hilikiya wali a isi wakwe Azaliya,

¹⁴ Azaliya wali a isi wakwe Selaya, Selaya wali a isi wakwe Yeozadaki.

¹⁵ Yeozadaki yamusenzile ku uzya apa nsita ino Yawe walenzile kuti Nebukadineza asende antu amu Yuda nu mu Yelusalemu uku uzya.

¹⁶ Ana aonsi yakwe Levi a: Gelisyomu, Koati na Melali.

¹⁷ Yaa ali mazina ya ana aonsi yakwe Gelisyomu: Libini na Syimei.

¹⁸ Ana aonsi yakwe Koati a Amulamu, Izali, Hebuloni na Uzieli.

¹⁹ Ana aonsi yakwe Melali a Maali na Musyi. Inko zyakwe Levi ukulingana ni vikolwe vyao aeya:

²⁰ Ana aonsi yakwe Gelisyomu a Libini, Yaati na Zimaa.

²¹ Yowa umwana wakwe umonsi, Ido umwana wakwe umonsi, Zela umwana wakwe umonsi na Yeatelai umwana wakwe umonsi.

²² Amu mupanda wakwe Koati aonsi aeya: Aminadabu, Kola, Asili,

²³ Elikana, Ebiyasafu, Asili,

²⁴ Taati, Uliyeli, Uziya na Syauli.

²⁵ Amu mupanda wakwe Elikana aonsi aeya: Amasai, Aimoti,

²⁶ Elikana, Zofai, Naati,

²⁷ Eliabu, Yeloamu, Elikana na Samueli.

²⁸ Ana yakwe Samueli a: Yowelo uwali iyeli, wakwe ciili a Abiya.

²⁹ Amu mupanda wakwe Melali aeya: Maali, Libini, Syimei, Uza,

³⁰ Syimea, Hagiya, na Asaiya.

Yakiimba amu Ng'anda ikulu yakwe Leza

³¹ Yakwene ali antu yano umwene Davidi wasolwile kuti yatungulula umulimo wa nyimbo mu Ng'anda ikulu yakwe Yawe umu Yelusalemu, lino yakusizye Mbokosi ya Upangano yakwe Yawe.

³² Umu nsita izivule yene yapokelananga ukwimba mwi Taalu lya Ukongano lyakwe Yawe, pa nsita ino Solomoni atali kuti akuule Ng'anda ikulu yakwe Yawe.

³³ Fwandi yao atumikilanga mu kwimba yatantime wakwe vii: Mu luko lwakwe Koati, Hemani wali ali mukalamba mwi umba lya kutandika. Hemani wali umwana umonsi wakwe Yowelo, umwizikulu wakwe Samueli.

³⁴ Samueli wali umwana umonsi wakwe Elikana, umwana umonsi wakwe Yeloamu, umwana umonsi wakwe Eliyeli, umwana umonsi wakwe Toa,

³⁵ umwana umonsi wakwe Zufi, umwana umonsi wakwe Elikana, umwana umonsi wakwe Maati, umwana umonsi wakwe Amasai,

³⁶ umwana umonsi wakwe Elikana, umwana umonsi wakwe Yowelo, umwana umonsi wakwe Azaliya, umwana umonsi wakwe Zefaniya,

³⁷ umwana umonsi wakwe Taati, umwana umonsi wakwe Asili, umwana umonsi wakwe Ebiyasafu, umwana umonsi wakwe Kola,

³⁸ umwana umonsi wakwe Izali, umwana umonsi wakwe Koati, umwana umonsi wakwe Levi, umwana umonsi wakwe Izlaeli.

³⁹ Pali na kiimba umuze wakwe Asafu uwali intunguluzi yi umba lyakwe ciili lyakwe yakiimba. Asafu wiyo wali umwana umonsi wakwe Belekiya, umwana umonsi wakwe Syimea,

⁴⁰ umwana umonsi wakwe Mikaeli, umwana umonsi wakwe Baaseya, umwana umonsi wakwe Malikiya,

⁴¹ umwana umonsi wakwe Etini, umwana umonsi wakwe Zela, umwana umonsi wakwe Adaya,

⁴² umwana umonsi wakwe Etani, umwana umonsi wakwe Zimaa, umwana umonsi wakwe Syimei,

⁴³ umwana umonsi wakwe Yaati, umwana umonsi wakwe Gelisyomu, umwana umonsi wakwe Levi.

⁴⁴ Etani uwamu luko lwakwe Melali wali ali ntunguluzi yi umba lyakwe yakiimba. Nawe utantiko wa lupwa lwakwe ukusuntikana mpaka kuli Levi wali ndi vii: Etani, umwana umonsi wakwe Kisyi, umwana umonsi wakwe Abidi, umwana umonsi wakwe Maluki.

⁴⁵ Maluki wali umwana umonsi wakwe Hasyabiya, umwana umonsi wakwe Amaziya, umwana umonsi wakwe Hilikiya,

⁴⁶ umwana umonsi wakwe Amizi, umwana umonsi wakwe Bani, umwana umonsi wakwe Syemeli,

⁴⁷ umwana umonsi wakwe Maali, umwana umonsi wakwe Musyi, umwana umonsi wakwe Melali, umwana umonsi wakwe Levi.

⁴⁸ Aina Levi yauze asyala yapilwe imilimo yuze iyaku ncende ya mapepo.

Amu mupanda wakwe Aloni

⁴⁹ Lelo Aaloni na amu mupanda wakwe ali yano yafutumulanga ubani pamwi nu kupeela impolelwa pa ncende yapa kavuwa ka mawila yakoca. Ali yano yakweti sile insambu ya kupepela mu Ncende Yamuzilo kuluta pamwi nu kupeela impolelwa ya kwelela kwa maifyo ya ina Izlaeli. Vyonsi vivyo vyacitwanga ukulingana na masunde yano Yawe wapile Mose.

⁵⁰ Utantiko wa amu mupanda wakwe Aaloni waya ndi vii: Eleaza, Peneasi, Abisyua,

⁵¹ Buki, Uzi, Zelaya,

⁵² Melaiyoti, Amaliya, Aitubi,

⁵³ Zadoki, Aimaazi.

Ncende umwikalanga aina Levi

⁵⁴ Kwali kweneko impanga imwi ino yapilwe ku antu yakwe Aaloni mu lupwa lwakwe Koati. Fwandi ali yano yapilwe impanga yakutandikila penepo, pali ino yapilwe ku ina Levi.

⁵⁵ Impanga iyo yali ukuminkanya impanga ya ina Hebuloni mu Yuda, alino ni mpanga ya mulemvwe ukuzinguluka kweneko.

⁵⁶ Lelo kwene ivyalo pamwi ni mizi iyapalime ku musumba vyapilwe kuli Kalebu umwana wakwe Yefune.

⁵⁷ Acino amu mupanda wakwe Aaloni yapilwe umusumba wa Hebuloni, uwa kuzina mwenemo, nga ni misumba ya Libina, Yatili, Esyitemoa,

⁵⁸ Hileni, Debili,

⁵⁹ Asyani, Yuta na Beti Syemesyi kumwi ni mpanga zyaziko izyamulemvwe.

⁶⁰ Umu mupanda wakwe Benjamini namo yapilwe imisumba ii: Gibyoni, Geba, Alemeti na Anatoti. Imisumba iyo iyalenzile nu kuti ikumane yonsi pamwi uku mpendwa ikumi na itatu.

⁶¹ Imisumba ikumi lyonga ukufuma ku mpanga ya mutundu pakasi wakwe Manase yapilwe ku amu mupanda wakwe Koati asyala, umu kuomvya inzila yakupendola apa kuyankanya.

⁶² Cila luko, mu amu panda wakwe Gelisyomu, yapilwe imisumba ikumi na itatu ukufuma mu mutundu wakwe Isakali, na wakwe Asyeli na wakwe Nafutali, nga nu mutundu apakasi wakwe Benjamini mu Basyani.

⁶³ Cila luko, mu amu mupanda wakwe Melali, yapilwe imisumba ikumi na iili ukufuma mu mutundu wakwe Lubeni, na wakwe Gadi na wakwe Zebuluni.

⁶⁴ Acino aina Izlaeli yapile aina Levi imisumba ii kumwi ni mpanga zyaiko izyamulemvwe.

⁶⁵ Ni misumba kwene ilya iyatilandwa apapela, yapendozile apa kuipeela ku amu mutundu wakwe Yuda, na wakwe Simeoni, na wakwe Benjamini.

⁶⁶ Yamwi amu nko zyakwe Koati yapilwe imisumba ukufuma mu mutundu wakwe Efulemu.

⁶⁷ Mu mpanga iyamyamba yakwe Efulemu yapilwe imisumba ii: Syekemu, umusumba wakuzina mwenemo, na Gezeli,

⁶⁸ Yokomeamu, Beti Holoni,

⁶⁹ Aiyaloni na Gati Limoni, kumwi ni mpanga yakweyo iyamulemvwe.

⁷⁰ Lelo ukufuma mu mutundu pakasi wakwe Manase, aina Izlaeli yapeela amu luko lwakwe Koati imisumba ya Anele na Bileamu kumwi ni mpanga yakweyo iyamulemvwe.

⁷¹ Amu luko lwakwe Gelisyomu yapilwe imisumba ii: Ukufuma mu luko lwa mutundu pakasi wakwe Manase, yapilwe umusumba wa Golani mu Basyani, ukwika penepo nu musumba wa Asyitaloti kumwi ni mpanga yakweyo iyamulemvwe.

⁷² Ukufuma mu mutundu wakwe Isakali yapilwe imisumba ya Kedesyi, Dabelati,

⁷³ Lamoti na Anemu, kumwi ni mpanga yakweyo iyamulemvwe.

⁷⁴ Abadoni Ukufuma mu mutundu wakwe Asyeli yapilwe imisumba ya Masyali, Abadoni,

⁷⁵ Hukoki na Leobu kumwi ni mpanga yakweyo iyamulemvwe.

⁷⁶ Nga ukufuma mu mutundu wakwe Nafutali yapilwe Kedesyi mu Gileadi, Hamoni na Kilyataimu, kumwi ni mpanga yakweyo iyamulemvwe.

⁷⁷ Asyala amu mutundu wakwe Melali yapilwe imisumba ndi vii: Ukufuma mu mutundu wakwe Zebuluni yapilwe umusumba wa Limono nu wa Taboli, kumwi ni mpanga yakweyo iyamulemvwe.

⁷⁸ Ukufuma mu mutundu pakasi wakwe Lubeni lwaku mbalama yuze ya Luzi lwa Yodani, ku ufumondaka wakwe Yeliko, yapilwe umusumba wa Bezeli mu lwanga, nu wa Yaaza,

⁷⁹ nu wa Kedemoti nu wa Mefaati, kumwi ni mpanga yakweyo iyamulemvwe.

⁸⁰ Ukufuma mu mutundu wakwe Gadi yapilwe umusumba wa Lamoti mu Gileadi, nu wa Maanaimu,

⁸¹ nu wa Hesyiboni, nu wa Yazeli, kumwi ni mpanga yakweyo iyamulemvwe.