1 Milandu 3 - Amazwi Yakwe Leza 2013

Ana ya mwene Davidi

¹ Yaa ali ana aonsi yakwe Davidi yano yavilwe kunoli lino wali mu Hebuloni. Mu kuvyalwa yalondenkine ndi vii: Iyeli wali a Amunoni umwana umonsi wakwe Ainoamu uwaku Yezileele. Nga a Danieli wino nyina wali a Abigelo uwaku Kalimeli.

² Wakwe citatu wali a Abusalomu, wino nyina wali a Maaka, umwana umwanaci wakwe Talimai, umwene waku Gesyuli. Wakwe cini a Adoniya, wino nyina wali a Hagiti.

³ Wakwe cisano a Syefatiya umwana umonsi wakwe Abitali. Uwalenga mutanda a Itileamu, wino nyina wali a Egila.

⁴ Ana yao yonsi mutanda yavyalilwe ku Hebuloni umu myaka cinimbali na citika ino Davidi wateesile kweneko. Mu Yelusalemu Davidi wateesile pa wene imyaka amakumi yatatu na itatu,

⁵ nga apa nsita iyo ana aonsi avule yavilwe kuli Davidi ku Yelusalemu aeya: Syamua, Syobabu, Natani na Solomoni. Ana yaa yani yavilwe muli Batisyeba umwana umwanaci wakwe Amiyeli.

⁶ Ibaala, Elisyua, Elifeleti

⁷ Noga, Nefegi, Yafiya,

⁸ Elisyama, Eliyada na Elifeleti. Yonsi pamwi yali fundimbali.

⁹ Yaa yonsi yali ana yakwe Davidi, ukwika penepo na ana aonsi amu aci yakwe yauze, nga nu mwana umwanaci wino izina lyakwe a Tamala.

Amu mupanda wa mwene Solomoni

¹⁰ Uu uli utantiko wa amu mupanda wa mwene Solomoni: Solomoni isi wakwe Leoboamu, Leoboamu isi wakwe Abiya, Abiya isi wakwe Asa, Asa isi wakwe Yeosafati, Yeosafati isi wakwe Yolamu,

¹¹ Yolamu isi wakwe Aaziya, Aaziya isi wakwe Yoasyi, Yoasyi isi wakwe Amaziya,

¹² Amaziya isi wakwe Azaliya, Azaliya isi wakwe Yotamu, Yotamu isi wakwe Aazi,

¹³ Aazi isi wakwe Hezekiya, Hezekiya isi wakwe Manase, Manase isi wakwe Amoni,

¹⁴ Amoni isi wakwe Yosiya.

¹⁵ Ana aonsi yakwe Hosiya aeya: Yoanani uwali iyeli, wakwe ciili a Yeoyakimu, wakwe citatu a Zedekiya, wakwe ciini a Syalumu.

¹⁶ Ana aonsi yakwe Yeoyakimu aeya: Yeoyakini, na Zedekiya.

Amu mupanda wakwe Yeoyakini

¹⁷ Yakwene ali amu mupanda wakwe Yeoyakini, wino aina Babiloni yasenzile wa munyepwe. Yeoyakini wakweti ana aonsi cinimbali. Amazina yao a Syeatieli,

¹⁸ Malikilamu, Pedaiya, Syenazali, Yekamiya, Hosyama, na Nedabiya.

¹⁹ Pedaiya wakweti ana aonsi yaili. Amazina yao a Zelubabeli na Syimei. Zelubabeli wakweti ana aonsi yaili. Amazina yao a Mesyulamu na Hananiya, nga nu mwana umwanaci wino izina lyakwe a Syelomiti.

²⁰ Wene wakweti ana aonsi nayauze. Amazina yao a Hasyuba, Oeli na Belekiya, Hasadiya na Hasyuba Hesedi.

²¹ Hananiya wakweti ana aonsi yaili. Amazina yao a Pelatiya na Yesyaya. Yesyaya wali a isi wakwe Lefaya. Lefaya wali a isi wakwe Alinani. Alinani wali a isi wakwe Obadiya. Obadiya wali a isi wakwe Syekaniya.

²² Syekaniya wakweti umwana umonsi wenga. Izina lyakwe a Syemaya, nga na izikulu yasano. Amazina yao a Hatusyi, Igali, Baliya, Nealiya, na Syafati.

²³ Nealiya wakweti ana aonsi yatatu. Amazina yao a Elioenai, Hizikiya, na Azilikamu.

²⁴ Elioenai wakweti ana aonsi cinimbali. Amazina yao a Hodaviya, Elyasyibu, Pelaya, Akubu, Yoanani, Delaya na Anani.