1 Milandu 25 - Amazwi Yakwe Leza 2013

Yakiimba amu Ng'anda ikulu yakwe Yawe

¹ Umwene Davidi pamwi na yamusika ya vita, yapaatula aina Levi yamwi amu luko lwakwe Asafu, Hemani na Yedutuni, kuti yatumikile mu mulimo wa kusema kupitila mu nyimbo nu mukulizya yababatoni, yabanjo ni viwaya. Uu, uli utantiko wakwe yayo asolwilwe kuti yatungulula mu kutumikila kuu:

² Mu ana yakwe Asafu pali Zakuli, Yosefu, Netaniya na Asalela. Ana aonsi yakwe Asafu yangalilwanga na Asafu, uwumanga imbila lino umwene wamupeela ilamulo.

³ Mu ana aonsi mutanda yakwe Yedutuni, yasolwile Gedaliya, Zeli, Yesyaya, Syimei, Hasyabiya, na Matitiya. Yaa yonsi apa kuma imbila yangalilwanga ni isi, ala yakulizya amazeze, yakulumbanya nu kutaizya Yawe umu nyimbo.

⁴ Mu ana ikumi na yani yakwe Hemani, yasolwile Bukiya, Mataniya, Uzieli, Syubaeli, Yelimoti, Hananiya, Hanani, Eliata, Gidaliti, Lomamuti Ezeli, Yosyabekeya, Maloti, Hotili na Maaziyoti.

⁵ Yaa yonsi yali ana yakwe Hemani kasema wa mwene. Ana yaa yonsi Leza wapile kunoli kupitila mu malayo yakwe kunoli aku mutumpulula. Leza wapile Hemani ana aonsi ikumi na yani nga na anaci yatatu.

⁶ Ana yakwe aonsi yonsi yalizyanga iviwaya, yabanjo na yababatoni, ala yakwangalilwa ni si, apa nsita ya mapepo umu Ng'anda ikulu yakwe Yawe. Nga Asafu, Yedutuni na Hemani yalondile malamulo ya mwene.

⁷ Antu yaa ikumi na yani, yonsi yali a yanyela. Akazi kao aina Levi yasambiliziwe ivya kwiimba. Yonsi pamwi yali 288.

⁸ Apakwankana imilimo, yene yapendozile, cisi cimwi yaye ance nanti aikolo, yakasambilizya na yakasambilila.

⁹ Ukupendola kwa nkolelo ikulema Yosefu uwamu ng'anda yakwe Asafu, na ana yakwe aonsi pamwi na akazi kakwe. Yonsi pamwi yali 12. Kwakwe ciili ikulema Gedaliya na ana yakwe aonsi pamwi na akazi kakwe. Yonsi pamwi yali 12.

¹⁰ Kwakwe citatu ikulema Zakuli, pamwi na ana yakwe aonsi nga na akazi kakwe. Yonsi pamwi yali 12.

¹¹ Kwakwe cini ikulema Izili pamwi na ana yakwe aonsi nga na akazi kakwe. Yonsi pamwi yali 12.

¹² Kwakwe cisano ikulema Netaniya pamwi na ana yakwe aonsi nga na akazi kakwe. Yonsi pamwi yali 12.

¹³ Kwakwe mutanda ikulema Bukiya pamwi na ana yakwe aonsi nga na akazi kakwe. Yonsi pamwi yali 12.

¹⁴ Kwakwe cinimbali ikulema Yesalela pamwi na ana yakwe aonsi nga na akazi kakwe. Yonsi pamwi yali 12.

¹⁵ Ukwalenga cinani ikulema Yesyaya pamwi na ana yakwe aonsi nga na akazi kakwe. Yonsi pamwi yali 12.

¹⁶ Ukwalenga fundimbali ikulema Mataniya pamwi na ana yakwe aonsi nga na akazi kakwe. Yonsi pamwi yali 12.

¹⁷ Ukwalenga ikumi ikulema Syimei pamwi na ana yakwe aonsi nga na akazi kakwe. Yonsi pamwi yali 12.

¹⁸ Ukwalenga ikumi na conga ikulema Azaleli pamwi na ana yakwe aonsi nga na akazi kakwe. Yonsi pamwi yali 12.

¹⁹ Ukwalenga ikumi na viili ikulema Hasyabiya pamwi na ana yakwe nga na akazi kakwe. Yonsi pamwi yali 12.

²⁰ Ukwalenga ikumi na vitatu ikulema Syubaeli pamwi na ana yakwe aonsi nga na akazi kakwe. Yonsi pamwi yali 12.

²¹ Ukwalenga ikumi na vini ikulema Matitiya pamwi na ana yakwe aonsi nga na akazi kakwe. Yonsi pamwi yali 12.

²² Ukwalenga ikumi na visano ikulema Yelemoti pamwi na ana yakwe aonsi nga na akazi kakwe. Yonsi pamwi yali 12.

²³ Ukwalenga ikumi na mutanda ikulema Hananiya pamwi na ana yakwe aonsi nga na akazi kakwe. Yonsi pamwi yali 12.

²⁴ Ukwalenga ikumi na cinimbali ikulema Yosyibekasya pamwi na ana yakwe aonsi nga na akazi kakwe. Yonsi pamwi yali 12.

²⁵ Ukwalenga ikumi na cinani ikulema Hanani pamwi na ana yakwe aonsi nga na akazi kakwe. Yonsi pamwi yali 12.

²⁶ Ukwalenga ikumi na fundimbali ikulema Maloti pamwi na ana yakwe aonsi nga na akazi kakwe. Yonsi pamwi yali 12.

²⁷ Ukwalenga amakumi yaili ikulema Eliata pamwi na ana yakwe aonsi nga na akazi kakwe. Yonsi pamwi yali 12.

²⁸ Ukwalenga amakumi yaili na conga ikulema Hotili pamwi na ana yakwe aonsi nga na akazi kakwe. Yonsi pamwi yali 12.

²⁹ Ukwalenga amakumi yaili na viili ikulema Gidaliti pamwi na ana yakwe aonsi nga na akazi kakwe. Yonsi pamwi yali 12.

³⁰ Ukwalenga amakumi yaili na vitatu ikulema Maaziyoti na ana yakwe aonsi nga na akazi kakwe. Yonsi pamwi yali 12.

³¹ Ukwalenga amakumi yaili na vini ikulema Lomamuti Ezeli pamwi na ana yakwe aonsi nga na akazi kakwe. Yonsi pamwi yali 12.