1 Milandu 2 - Amazwi Yakwe Leza 2013

Amu mupanda wakwe Yuda

¹ Ana yakwe Izlaeli a Lubeni, Simeoni, Levi, Yuda, Isakali, Zebuluni,

² Dani, Yosefu, Benjamini, Nafutali, Gadi na Asyeli.

³ Ana yakwe Yuda a Ele, Onani na Syela. Ana yakwene yatatu yavilwe muli Batisyuwa, mangu umwina Kenani, umwana mwanaci wakwe Syuwa. Ele, iyeli lyakwe Yuda wacitanga iviipe apa manso yakwe Yawe. Acino Yawe amukoma.

⁴ Tamala, nyinavyala, nawe amuvyalila Pelezi na Zela. Yuda wakweti ana aonsi yasano.

⁵ Ana aonsi yakwe Pelezi a Heziloni na Hamuli.

⁶ Ana aonsi yakwe Zela a Zimuli, Etani, Hemani, Kalikoli na Dala. Yonsi pamwi yali yasano.

⁷ Ana aonsi yakwe Kalimi aeya: Akali, uwaletelile aina Izlaeli. Wene watozile ivisampwe ivyapaatwilwa Yawe.

⁸ Umwana umonsi wakwe Etani a Azaliya.

Vino ang'anda ya Mwene Davidi yavyalwa

⁹ Ana yakwe Heziloni yano umuci wamuvyalile a Yelameeli, Lamu na Kalebu.

¹⁰ Lamu wali a isi wakwe Aminadabu, Aminadabu wali a isi wakwe Nasyoni, uwali intunguluzi ya mutundu wakwe Yuda.

¹¹ Nasyoni wali a isi wakwe Salimoni, Salimoni wali a isi wakwe Boazi,

¹² Boazi wali a isi wakwe Obedi, nga Obedi wali a isi wakwe Yese.

¹³ Yese wali a isi wakwe Eliabu, iyeli lyakwe nga wakwe ciili wali a Abinadabu, wakwe citatu wali a Syimea,

¹⁴ wakwe cini wali a Netaneli, wakwe cisano wali a Ladai,

¹⁵ wakwe mutanda wali a Ozemu nga wakwe cinimbali wali a Davidi.

¹⁶ Yakaci yao yali a Zeluya na Abigelo. Ana aonsi yatatu yakwe Zeluya a Abisyai, Yoabu na Asaeli.

¹⁷ Abigelo wali a nyina wakwe Amasa, wino isi wali a Yeteli uwamu mupanda wakwe Isumeli.

Amu mupanda wakwe Heziloni

¹⁸ Kalebu umwana umonsi wakwe Heziloni wakweti ana yano Azuba umuci wakwe pamwi na Yelyoti umuci muze yamuvyalile. Ana yakwe aonsi a Yesyeli, Syobabu na Alidoni.

¹⁹ Lino Azuba wafwa, Kalebu atwala Efulata, uwamuvyalile Huli.

²⁰ Huli wali a isi wakwe Uli. Uli nawe wali a isi wakwe Bezalele.

²¹ Pacisila cakwe vii, lino Heziloni waya ni myaka 60, atwala umwana wakwe Makili isi wakwe Gileadi, nga nawe amuvyalila Segubu.

²² Segubu wali a isi wakwe Yaili, uwakweti imisumba amakumi yaili na itatu mu Gileadi.

²³ Lelo aina Gesyuli na ina Alamu yapoka imisumba ya Havoti Yaili, kumwi na Kenati ni mizi iyazingulwike. Yonsi pamwi yali amakumi mutanda. Yaa yonsi yali amu mupanda wakwe Makili isi wakwe Gileadi.

²⁴ Pacisila ca kufwa kwakwe Heziloni mu Kalebu Efulata, Abiya mukamfwilwa amuvyalila Asyuli, uwali a isi wakwe Tekoa.

Amu mupanda wakwe Yelameeli

²⁵ Ana aonsi yakwe Yelameeli, iyeli lyakwe Heziloni, a Lamu, uwali iyeli lyakwe, nga palondelela Buna, Oleni, Ozemu na Aiya.

²⁶ Yelameeli wakweti umuci namuze, izina lyakwe a Atala, uwali nyina wakwe Onamu.

²⁷ Ana aonsi yakwe Lamu, iyeli lyakwe Yelameeli, a Maazi, Yamini na Ekeli.

²⁸ Ana aonsi yakwe Onamu a Syamai na Yada. Ana aonsi yakwe Syamai a Nadabu na Abisyuli.

²⁹ Umuci wakwe Abisyuli wali a Abiaili, uwamuvyalile Abani na Molidi.

³⁰ Ana aonsi yakwe Nadabu a Seledi na Apaimu. Seledi wafwile kwaula kukwata ana.

³¹ Ana aonsi yakwe Apaimu a Isyi. Isyi wali a isi wakwe Syesyani. Syesyani wali a isi wakwe Aalai.

³² Ana aonsi yakwe Yada, umwina wakwe Syamai a Yeteli na Yonatani. Yeteli afwa kwaula kusya ana.

³³ Ana aonsi yakwe Yonatani a Peleti na Zaza. Yakwene yali amu mupanda wakwe Yelameeli.

³⁴ Syesyani atakweti umwana umonsi nanti wenga, suka sile yakaci. Wene wakweti umuomvi umwina Eguputo, izina lyakwe a Yala.

³⁵ Syesyani atwalizya umwana wakwe kuli Yala, umuomvi wakwe nga nawe amuvyalila Atai.

³⁶ Atai wali isi wakwe Natani, Natani wali a isi wakwe Zabadi,

³⁷ Zabadi wali a isi wakwe Efulala, Efulala wali a isi wakwe Obedi,

³⁸ Obedi wali a isi wakwe Yeu, Yeu wali a isi wakwe Azaliya.

³⁹ Azaliya wali a isi wakwe Helezi, Helezi wali a isi wakwe Eleasa,

⁴⁰ Eleasa wali a isi wakwe Sisimai, Sisimai wali a isi wakwe Syalumu,

⁴¹ Syalumu wali a isi wakwe Yekamiya, Yekamiya wali a isi wakwe Elisyama.

Amu mupanda wakwe Kalebu nayauze

⁴² Ana aonsi yakwe Kalebu umwina wakwe Yelameeli a Mesya, iyeli lyakwe, uwali isi wakwe Zifu. Malesya wali a isi wakwe Hebuloni.

⁴³ Ana aonsi yakwe Hebuloni a Kola, Tapuua, Lekemu na Syema.

⁴⁴ Syema wali a isi wakwe Laamu, nga Laamu wali a isi wakwe Yolikeamu. Lekemu wali a isi wakwe Syamai.

⁴⁵ Umwana umonsi wakwe Syamai wali a Maoni. Maoni nawe wali a isi wakwe Beti Zuli.

⁴⁶ Efa, umuci namuze wakwe Kalebu, wali a nyina wakwe Moza na Gazezi. Halani wali a isi wakwe Gazezi.

⁴⁷ Ana aonsi yakwe Yadai a Legemu, Yotamu, Gesyani, Peleti, Efa na Syaafu.

⁴⁸ Maaka, umuci namuze wakwe Kalebu, wali a nyina wakwe Syebeli na Tiliana.

⁴⁹ Mangu wiyo uwaviile Syaafu kwene isi wakwe Madimana, nga na Syeva isi wakwe Makibena na Gibea. Ukulunda penepo Akisa wali umwana umwanaci wakwe Kalebu.

⁵⁰ Yakwene yali amu mupanda wakwe Kalebu. Ana yakwe Huli, iyeli lyakwe Efulata, a Syobali uwali a isi wakwe Kilyati Yealimu,

⁵¹ Salima uwali a isi wakwe Betelemu, na Halefu uwali a isi wakwe Beti Gadeli.

⁵² Amu mupanda wakwe Syobali, isi wakwe Kilyati Yealimu, a Haloe na citika wa ina Manaati.

⁵³ Ni nko zyonsi zyakwe Kilyati Yealimu aizi: aina Itili, aina Puti, aina Syumati na ina Misyilai. Na amu mutundu wakwe Zola nga na Esyitaoli ali amu mupanda wao.

⁵⁴ Amu mupanda wakwe Salima a Betelemu, Netofa, Atiloti Beti Yoabu, na citika wa ina Manaati.

⁵⁵ Imitundu ii iyalondelela penepo yali aanyela mu vyakulembalemba nupya yikalanga mu musumba wa Yabezi. Yali a Tilati, Syimeati na Sukati. Yene yali aina Kenite afumile ku Hamati, yano yatwaline na amu luko lwakwe Lekabu.