എസ്രാ 2 - സത്യവേദപുസ്തകം OV Bible (BSI)

¹ ബാബേൽരാജാവായ നെബൂഖദ്നേസർ ബാബേലിലേക്കു കൊണ്ടുപോയിരുന്ന പ്രവാസികളിൽനിന്ന് യെരൂശലേമിലേക്കും യെഹൂദായിലേക്കും താന്താങ്ങളുടെ പട്ടണങ്ങളിലേക്കു മടങ്ങിവന്ന സംസ്ഥാനവാസികളാവിത്:

² സെരുബ്ബാബേലിനോടുകൂടെ വന്നവർ:യേശുവ, നെഹെമ്യാവ്, സെരായാവ്, രെയേലയാവ്, മൊർദെഖായി, ബിൽശാൻ, മിസ്പാർ, ബിഗ്വായി, രെഹൂം, ബാനാ എന്നിവർ. യിസ്രായേൽജനത്തിലെ പുരുഷന്മാരുടെ എണ്ണമാവിത്:

³ പരോശിന്റെ മക്കൾ രണ്ടായിരത്തൊരുനൂറ്റി എഴുപത്തിരണ്ട്.

⁴ ശെഫത്യാവിന്റെ മക്കൾ മുന്നൂറ്റി എഴുപത്തിരണ്ട്.

⁵ ആരഹിന്റെ മക്കൾ എഴുനൂറ്റി എഴുപത്തഞ്ച്.

⁶ യേശുവയുടെയും യോവാബിന്റെയും മക്കളിൽ പഹത്-മോവാബിന്റെ മക്കൾ രണ്ടായിരത്തി എണ്ണൂറ്റിപന്ത്രണ്ട്.

⁷ ഏലാമിന്റെ മക്കൾ ആയിരത്തി ഇരുനൂറ്റി അമ്പത്തിനാല്.

⁸ സത്ഥൂവിന്റെ മക്കൾ തൊള്ളായിരത്തി നാല്പത്തഞ്ച്.

⁹ സക്കായിയുടെ മക്കൾ എഴുനൂറ്റി അറുപത്.

¹⁰ ബാനിയുടെ മക്കൾ അറുനൂറ്റി നാല്പത്തിരണ്ട്.

¹¹ ബേബായിയുടെ മക്കൾ അറുനൂറ്റി ഇരുപത്തിമൂന്ന്.

¹² അസ്ഗാദിന്റെ മക്കൾ ആയിരത്തി ഇരുനൂറ്റി ഇരുപത്തിരണ്ട്.

¹³ അദോനീക്കാമിന്റെ മക്കൾ അറുനൂറ്റി അറുപത്തിആറ്.

¹⁴ ബിഗ്വായിയുടെ മക്കൾ രണ്ടായിരത്തി അമ്പത്താറ്.

¹⁵ ആദീന്റെ മക്കൾ നാനൂറ്റി അമ്പത്തിനാല്.

¹⁶ യെഹിസ്കീയാവിന്റെ സന്തതിയായ ആതേരിന്റെ മക്കൾ തൊണ്ണൂറ്റിയെട്ട്.

¹⁷ ബോസായിയുടെ മക്കൾ മുന്നൂറ്റി ഇരുപത്തിമൂന്ന്.

¹⁸ യോരയുടെ മക്കൾ നൂറ്റിപന്ത്രണ്ട്.

¹⁹ ഹാശൂമിന്റെ മക്കൾ ഇരുനൂറ്റി ഇരുപത്തിമൂന്ന്.

²⁰ ഗിബ്ബാരിന്റെ മക്കൾ തൊണ്ണൂറ്റഞ്ച്.

²¹ ബേത്‍ലഹേമ്യർ നൂറ്റി ഇരുപത്തിമൂന്ന്.

²² നെതൊഫാത്യർ അമ്പത്താറ്.

²³ അനാഥോത്യർ നൂറ്റി ഇരുപത്തെട്ട്.

²⁴ അസ്മാവെത്യർ നാല്പത്തിരണ്ട്.

²⁵ കിര്യത്ത്-യെയാരീം, കെഫീര, ബെയെറോത്ത് എന്നിവയിലെ നിവാസികൾ എഴുനൂറ്റി നാല്പത്തിമൂന്ന്.

²⁶ രാമായിലെയും ഗേബയിലെയും നിവാസികൾ അറുനൂറ്റി ഇരുപത്തിഒന്ന്.

²⁷ മിഖ്മാശ്യർ നൂറ്റിഇരുപത്തിരണ്ട്.

²⁸ ബേഥേലിലെയും ഹായിയിലെയും നിവാസികൾ ഇരുനൂറ്റി ഇരുപത്തിമൂന്ന്.

²⁹ നെബോനിവാസികൾ അമ്പത്തിരണ്ട്.

³⁰ മഗ്ബീശിന്റെ മക്കൾ നൂറ്റിഅമ്പത്താറ്.

³¹ മറ്റേ ഏലാമിന്റെ മക്കൾ ആയിരത്തി ഇരുനൂറ്റി അമ്പത്തിനാല്.

³² ഹാരീമിന്റെ മക്കൾ മുന്നൂറ്റി ഇരുപത്.

³³ ലോദ്, ഹാദീദ്, ഓനോ എന്നിവയിലെ നിവാസികൾ എഴുനൂറ്റി ഇരുപത്തഞ്ച്.

³⁴ യെരീഹോനിവാസികൾ മുന്നൂറ്റി നാല്പത്തഞ്ച്.

³⁵ സെനായാനിവാസികൾ മൂവായിരത്തി അറുനൂറ്റി മുപ്പത്.

³⁶ പുരോഹിതന്മാരാവിത്: യേശുവയുടെ ഗൃഹത്തിലെ യെദയ്യാവിന്റെ മക്കൾ തൊള്ളായിരത്തെഴുപത്തിമൂന്ന്.

³⁷ ഇമ്മേരിന്റെ മക്കൾ ആയിരത്തി അമ്പത്തിരണ്ട്.

³⁸ പശ്ഹൂരിന്റെ മക്കൾ ആയിരത്തി ഇരുനൂറ്റി നാല്പത്തി ഏഴ്.

³⁹ ഹാരീമിന്റെ മക്കൾ ആയിരത്തി പതിനേഴ്.

⁴⁰ ലേവ്യർ: ഹോദവ്യാവിന്റെ മക്കളിൽ യേശുവയുടെയും കദ്മീയേലിന്റെയും മക്കൾ എഴുപത്തിനാല്.

⁴¹ സംഗീതക്കാർ: ആസാഫ്യർ നൂറ്റി ഇരുപത്തിയെട്ട്.

⁴² വാതിൽക്കാവല്ക്കാരുടെ മക്കൾ: ശല്ലൂമിന്റെ മക്കൾ, ആതേരിന്റെ മക്കൾ, തല്മോന്റെ മക്കൾ, അക്കൂബിന്റെ മക്കൾ, ഹതീതയുടെ മക്കൾ, ശോബായിയുടെ മക്കൾ ഇങ്ങനെ ആകെ നൂറ്റി മുപ്പത്തിയൊമ്പത്.

⁴³ ദൈവാലയദാസന്മാർ: സീഹയുടെ മക്കൾ, ഹസൂഫയുടെ മക്കൾ, തബ്ബായോത്തിന്റെ മക്കൾ,

⁴⁴ കേരോസിന്റെ മക്കൾ, സീയാഹയുടെ മക്കൾ, പാദോന്റെ മക്കൾ,

⁴⁵ ലെബാനയുടെ മക്കൾ, ഹഗാബയുടെ മക്കൾ, അക്കൂബിന്റെ മക്കൾ,

⁴⁶ ഹാഗാബിന്റെ മക്കൾ, ശൽമായിയുടെ മക്കൾ, ഹാനാന്റെ മക്കൾ,

⁴⁷ ഗിദ്ദേലിന്റെ മക്കൾ, ഗഹരിന്റെ മക്കൾ, രെയായാവിന്റെ മക്കൾ,

⁴⁸ രെസീന്റെ മക്കൾ, നെക്കോദയുടെ മക്കൾ, ഗസ്സാമിന്റെ മക്കൾ,

⁴⁹ ഉസ്സയുടെ മക്കൾ, പാസേഹയുടെ മക്കൾ, ബേസായിയുടെ മക്കൾ,

⁵⁰ അസ്നയുടെ മക്കൾ, മെയൂന്യർ, നെഫീസ്യർ,

⁵¹ ബക്ക്ബുക്കിന്റെ മക്കൾ, ഹക്കൂഫയുടെ മക്കൾ, ഹർഹൂരിന്റെ മക്കൾ,

⁵² ബസ്ലൂത്തിന്റെ മക്കൾ, മെഹീദയുടെ മക്കൾ, ഹർശയുടെ മക്കൾ,

⁵³ ബർക്കോസിന്റെ മക്കൾ, സീസെരയുടെ മക്കൾ, തേമഹിന്റെ മക്കൾ,

⁵⁴ നെസീഹയുടെ മക്കൾ, ഹതീഫയുടെ മക്കൾ.

⁵⁵ ശലോമോന്റെ ദാസന്മാരുടെ മക്കൾ: സോതായിയുടെ മക്കൾ, ഹസോഫേരെത്തിന്റെ മക്കൾ, പെരൂദയുടെ മക്കൾ,

⁵⁶ യാലയുടെ മക്കൾ, ദർക്കോന്റെ മക്കൾ, ഗിദ്ദേലിന്റെ മക്കൾ,

⁵⁷ ശെഫത്യാവിന്റെ മക്കൾ; ഹത്തീലിന്റെ മക്കൾ, പോക്കേരെത്ത്-ഹസ്സബയീമിന്റെ മക്കൾ, ആമിയുടെ മക്കൾ.

⁵⁸ ദൈവാലയദാസന്മാരും ശലോമോന്റെ ദാസന്മാരുടെ മക്കളും ആകെ മുന്നൂറ്റി തൊണ്ണൂറ്റി രണ്ട്.

⁵⁹ തേൽമേലഹ്, തേൽ-ഹർശ, കെരൂബ്, അദ്ദാൻ, ഇമ്മേർ എന്നീ സ്ഥലങ്ങളിൽനിന്ന് പുറപ്പെട്ടുവന്നവർ ഇവർ തന്നെ; എങ്കിലും തങ്ങൾ യിസ്രായേല്യർ തന്നെയോ എന്നു തങ്ങളുടെ പിതൃഭവനവും വംശവിവരവും പറവാൻ അവർക്കു കഴിഞ്ഞില്ല.

⁶⁰ ദെലായാവിന്റെ മക്കൾ, തോബീയാവിന്റെ മക്കൾ, നെക്കോദയുടെ മക്കൾ ആകെ അറുനൂറ്റി അമ്പത്തിരണ്ട്.

⁶¹ പുരോഹിതന്മാരുടെ മക്കളിൽ ഹബയ്യാവിന്റെ മക്കൾ, ഹക്കോസിന്റെ മക്കൾ ഗിലെയാദ്യനായ ബർസില്ലായിയുടെ പുത്രിമാരിൽ ഒരുത്തിയെ വിവാഹം കഴിച്ച് അവരുടെ പേരിനാൽ വിളിക്കപ്പെട്ട ബർസില്ലായിയുടെ മക്കൾ.

⁶² ഇവർ തങ്ങളുടെ വംശാവലി രേഖ അന്വേഷിച്ചു; അതു കണ്ടുകിട്ടിയില്ലതാനും; അതുകൊണ്ട് അവരെ അശുദ്ധരെന്ന് എണ്ണി പൗരോഹിത്യത്തിൽനിന്നു നീക്കിക്കളഞ്ഞു.

⁶³ ഊറീമും തുമ്മീമും ഉള്ള പുരോഹിതൻ എഴുന്നേല്ക്കുംവരെ അതിപരിശുദ്ധമായത് തിന്നരുത് എന്നു ദേശാധിപതി അവരോടു കല്പിച്ചു.

⁶⁴ സഭ ആകെ നാല്പത്തീരായിരത്തി മുന്നൂറ്ററുപത് പേരായിരുന്നു.

⁶⁵ അവരുടെ ദാസീദാസന്മാരായ ഏഴായിരത്തി മുന്നൂറ്റി മുപ്പത്തേഴ് പേരെ കൂടാതെ തന്നെ; അവർക്ക് ഇരുനൂറ് സംഗീതക്കാരും സംഗീതക്കാരത്തികളും ഉണ്ടായിരുന്നു.

⁶⁶ എഴുനൂറ്റിമുപ്പത്താറ് കുതിരയും ഇരുനൂറ്റിനാല്പത്തഞ്ച് കോവർകഴുതയും

⁶⁷ നാനൂറ്റി മുപ്പത്തഞ്ച് ഒട്ടകവും ആറായിരത്തി എഴുനൂറ്റി ഇരുപത് കഴുതയും അവർക്കുണ്ടായിരുന്നു.

⁶⁸ എന്നാൽ ചില പിതൃഭവനത്തലവന്മാർ യെരൂശലേമിലെ യഹോവയുടെ ആലയത്തിങ്കൽ എത്തിയപ്പോൾ അവർ ദൈവാലയം അതിന്റെ സ്ഥാനത്ത് പണിയേണ്ടതിന് ഔദാര്യദാനങ്ങൾ കൊടുത്തു.

⁶⁹ അവർ തങ്ങളുടെ പ്രാപ്തിക്കു തക്കവണ്ണം പണിക്കുള്ള ഭണ്ഡാരത്തിലേക്ക് അറുപത്തോരായിരം തങ്കക്കാശും അയ്യായിരം മാനെ വെള്ളിയും നൂറ് പുരോഹിതവസ്ത്രവും കൊടുത്തു.

⁷⁰ പുരോഹിതന്മാരും ലേവ്യരും ജനത്തിൽ ചിലരും സംഗീതക്കാരും വാതിൽ കാവല്ക്കാരും ദൈവാലയദാസന്മാരും താന്താങ്ങളുടെ പട്ടണങ്ങളിൽ പാർത്തു. എല്ലാ യിസ്രായേല്യരും താന്താങ്ങളുടെ പട്ടണങ്ങളിൽ പാർത്തു.