സങ്കീർത്തനങ്ങൾ 129 - സത്യവേദപുസ്തകം C.L. (BSI)

ശത്രുക്കൾക്കെതിരെയുള്ള പ്രാർഥന

ആരോഹണഗീതം

¹ ഇസ്രായേൽ പറയട്ടെ: “ബാല്യം മുതൽ ശത്രുക്കൾ എന്നെ അത്യന്തം പീഡിപ്പിച്ചു.”

² “ബാല്യം മുതൽ അവർ എന്നെ അത്യന്തം പീഡിപ്പിച്ചു;” എങ്കിലും അവർ എന്നെ കീഴടക്കിയില്ല.

³ ഉഴവുകാരെപ്പോലെ അവർ എന്റെ മുതുകിൽ ഉഴുതു. എന്റെ മുതുകിൽ നീളത്തിൽ ഉഴവുചാൽ കീറി,

⁴ സർവേശ്വരൻ നീതിമാനാകുന്നു. ദുഷ്ടന്മാരുടെ ബന്ധനത്തിൽനിന്ന് അവിടുന്നു എന്നെ മോചിപ്പിച്ചു.

⁵ സീയോനെ ദ്വേഷിക്കുന്നവർ ലജ്ജിച്ചു പിന്തിരിയട്ടെ.

⁶ വളരുന്നതിനു മുമ്പ് ഉണങ്ങിപ്പോകുന്ന പുരപ്പുറത്തെ പുല്ലുപോലെ അവർ ആകട്ടെ.

⁷ കൊയ്യുന്നവർ അവയെ ശേഖരിക്കുകയോ. കറ്റ കെട്ടുന്നവർ അവയെ ഒരുമിച്ചുകെട്ടുകയോ ചെയ്യുന്നില്ല.

⁸ സർവേശ്വരന്റെ അനുഗ്രഹം നിങ്ങൾക്കുണ്ടാകട്ടെ. സർവേശ്വരന്റെ നാമത്തിൽ ഞങ്ങൾ നിങ്ങളെ അനുഗ്രഹിക്കുന്നു. എന്നിങ്ങനെ വഴിപോക്കർ അവരോടു പറയുന്നതുമില്ല.