സങ്കീർത്തനങ്ങൾ 127 - സത്യവേദപുസ്തകം C.L. (BSI)

എല്ലാം സർവേശ്വരന്റെ ദാനം

ശലോമോൻ രചിച്ച ആരോഹണഗീതം

¹ സർവേശ്വരൻ വീടു പണിയുന്നില്ലെങ്കിൽ, പണിയുന്നവർ വൃഥാ അധ്വാനിക്കുന്നു. സർവേശ്വരൻ പട്ടണം കാക്കുന്നില്ലെങ്കിൽ, കാവല്‌ക്കാർ വൃഥാ ജാഗരിക്കുന്നു.

² അതിരാവിലെ എഴുന്നേല്‌ക്കുന്നതും വളരെ വൈകി ഉറങ്ങാൻ പോകുന്നതും കഠിനാധ്വാനംചെയ്തു ജീവിക്കുന്നതും വ്യർഥം. അവിടുന്നു താൻ സ്നേഹിക്കുന്നവർക്ക് ഉറങ്ങുമ്പോൾ വേണ്ടതു നല്‌കുന്നു.

³ മക്കൾ സർവേശ്വരന്റെ ദാനമാണ്, ഉദരഫലം അവിടുന്നു നല്‌കുന്ന അനുഗ്രഹം ആകുന്നു.

⁴ പോരാളിയുടെ കൈയിലെ അസ്ത്രങ്ങൾ പോലെയാണ്, യൗവനത്തിൽ ജനിക്കുന്ന മക്കൾ.

⁵ അവകൊണ്ട് ആവനാഴി നിറച്ചിരിക്കുന്നവൻ, അനുഗൃഹീതൻ. നഗരവാതില്‌ക്കൽവച്ച് ശത്രുക്കളെ എതിരിടുമ്പോൾ അവന് ലജ്ജിക്കേണ്ടിവരികയില്ല.