1 ദിനവൃത്താന്തം 8 - സത്യവേദപുസ്തകം C.L. (BSI)

ബെന്യാമീന്റെ ഗോത്രക്കാർ

¹ ബെന്യാമീന്റെ പുത്രന്മാർ പ്രായക്രമത്തിൽ: ബേല, അശ്ബേൽ, അഹ്രഹ്, നോഹാ, രഫാ.

^2-3 ബേലയുടെ പുത്രന്മാർ: അദ്ദാർ, ഗേര, അബീഹൂദ്, അബീശൂവ,

⁴ നയമാൻ, അഹോഹ്, ഗേര,

^5-6 ശെഫൂഫാൻ, ഹൂരാം. ഏഹൂദിന്റെ പുത്രന്മാർ ഗേബനിവാസികളുടെ പിതൃഭവനങ്ങളിൽ തലവന്മാരായിരുന്നു.

⁷ അവരാണ് നയമാൻ, അഹീയാ, ഗേര എന്നിവർ. അവരെ മാനഹാത്തിലേക്കു പ്രവാസികളായി കൊണ്ടുപോയി. ഹുസ്സയുടെയും അഹീഹൂദിന്റെയും പിതാവായ ഗേരയാണ് പ്രവാസത്തിൽ അവരെ നയിച്ചത്.

⁸ ഭാര്യമാരായ ഹൂശീമിനെയും ബയരയെയും ഉപേക്ഷിച്ചശേഷം മോവാബുദേശത്ത് ആയിരിക്കുമ്പോൾ ശഹരയീമിനു ഭാര്യയായ ഹോദേശിൽ യോബാബ്,

⁹ സിബ്യാ, മേശാ, മൽക്കാം, യെവൂസ്, സാഖ്യാ, മിർമ്മാ എന്നിവർ ജനിച്ചു.

¹⁰ ഇവർ അയാളുടെ പിതൃഭവനങ്ങളുടെ തലവന്മാരായിത്തീർന്നു.

¹¹ ഹൂശീമിൽ അയാൾക്ക് അബീത്തുബും എല്പയലും ജനിച്ചു.

¹² എല്പയലിന്റെ പുത്രന്മാർ: ഏബെർ, മീശാം, ശേമെർ. ഓനോയും ലോദും അതിനോടു ചേർന്ന പട്ടണങ്ങളും ശേമെർ നിർമ്മിച്ചു.

ബെന്യാമീൻഗോത്രക്കാർ-ഗത്തിലും അയ്യാലോനിലും

¹³ അയ്യാലോൻനിവാസികളുടെ പിതൃഭവനത്തലവന്മാരായിരുന്ന ബെരീയായും ശേമയും ഗത്ത്നിവാസികളെ ഓടിച്ചുകളഞ്ഞു.

¹⁴ ബെരീയായുടെ പുത്രന്മാർ: അഹ്യോ, ശാശക്, യെരേമോത്ത്,

^15-16 സെബദ്യാ, അരാദ്, ഏദെർ, മീഖായേൽ, യിശ്പാ, യോഹാ.

ബെന്യാമീൻഗോത്രക്കാർ-യെരൂശലേമിൽ

¹⁷ എല്പയലിന്റെ പുത്രന്മാർ: സെബദ്യാ, മെശുല്ലാം, ഹിസ്കി,

¹⁸ ഹേബെർ, ഇശ്മെരായി, ഇസ്ലിയാ, യോബാബ്.

¹⁹ ശിമിയുടെ പുത്രന്മാർ: യാക്കീം,

²⁰ സിക്രി, സബ്ദി, എലിയേനായി, സില്ലെഥായി,

²¹ എലീയേൽ, അദായാ, ബെരായ, ശിമ്രാത്ത്.

²² ശാശക്കിന്റെ പുത്രന്മാർ: ഇശ്ഫാൻ, ഏബെർ,

²³ എലീയേൽ, അബ്‍ദോൻ, സിക്രി, ഹാനാൻ,

^24-25 ഹനന്യാ, ഏലാം, അന്ഥോഥ്യാ, ഇഫ്ദേയാ, പെനൂവേൽ.

²⁶ യെരോഹാമിന്റെ പുത്രന്മാർ: ശംശെരായി, ശെഹര്യാ,

²⁷ അഥല്യാ, യാരെശ്യാ, എലീയാ, സിക്രി.

²⁸ ഇവർ എല്ലാവരും അവരവരുടെ കാലത്തു പിതൃഭവനത്തലവന്മാരും പ്രമുഖരും ആയിരുന്നു. ഇവർ യെരൂശലേമിൽ പാർത്തു.

ബെന്യാമീൻഗോത്രക്കാർ-ഗിബെയോനിലും യെരൂശലേമിലും

²⁹ ഗിബെയോന്റെ പിതാവായ യെയീയേൽ ഗിബെയോനിൽ പാർത്തു. അവന്റെ ഭാര്യ മയഖാ.

³⁰ യെയീയേലും അവന്റെ പുത്രന്മാരിൽ ആദ്യപുത്രൻ അബ്‍ദോൻ, സൂർ, കീശ്, ബാൽ, നാദാബ്, ഗെദോർ,

³¹ അഹ്യോ, സേഖെർ, എന്നിവരും ഗിബെയോനിൽ പാർത്തു.

³² മിക്ലോത്തും പുത്രൻ ശിമെയയും ചാർച്ചക്കാരോടൊപ്പം യെരൂശലേമിൽ പാർത്തു.

ശൗൽ രാജകുടുംബം

³³ നേരിന്റെ പുത്രൻ കീശ്, കീശിന്റെ പുത്രൻ ശൗൽ, ശൗലിന്റെ പുത്രന്മാർ: യോനാഥാൻ, മൽക്കീശുവ, അബീനാദാബ്, എശ്-ബാൽ.

³⁴ യോനാഥാന്റെ പുത്രൻ മെരിബ്ബാൽ, അയാളുടെ പുത്രൻ മീഖാ.

³⁵ മീഖായുടെ പുത്രന്മാർ: പീഥോൻ, മേലെക്, തരേയ, ആഹാസ്.

³⁶ ആഹാസിന്റെ പുത്രൻ യെഹോവദ്ദാ. അയാളുടെ പുത്രന്മാർ: അലേമെത്ത്, അസ്മാവെത്ത്, സിമ്രി.

³⁷ സിമ്രിയുടെ പുത്രൻ മോസ; അയാളുടെ പുത്രൻ ബിനെയ. ബിനെയയുടെ പുത്രൻ രാഫാ. അയാളുടെ പുത്രൻ എലാസാ. അവന്റെ പുത്രൻ ആസേൽ.

³⁸ ആസേലിന്റെ പുത്രന്മാർ: അസ്രീക്കാം, ബൊഖ്രൂം, ഇശ്മായേൽ, ശെര്യാ, ഓബദ്യാ, ഹാനാൻ എന്നിങ്ങനെ ആകെ ആറു പേർ.

³⁹ അവന്റെ സഹോദരനായ ഏശെക്കിന്റെ പുത്രന്മാർ: ആദ്യപുത്രൻ ഊലാം, രണ്ടാമൻ യെവൂശ്, മൂന്നാമൻ എലീഫേലെത്ത്.

⁴⁰ ഊലാമിന്റെ പുത്രന്മാർ വീരയോദ്ധാക്കളും വില്ലാളികളുമായിരുന്നു. അനേകം പുത്രന്മാരും പൗത്രന്മാരും അവർക്കുണ്ടായി. അവരുടെ എണ്ണം ആകെ നൂറ്റമ്പത്. ഇവരെല്ലാവരും ബെന്യാമീൻഗോത്രക്കാരാണ്.