1 ദിനവൃത്താന്തം 3 - സത്യവേദപുസ്തകം C.L. (BSI)

ദാവീദ്‍രാജാവിന്റെ മക്കൾ

¹ ഹെബ്രോനിൽ വച്ചു ദാവീദിനു ജനിച്ച പുത്രന്മാർ: ജെസ്രീൽക്കാരി അഹീനോവാമിൽ ജനിച്ച അമ്നോൻ ആദ്യജാതനും കർമ്മേൽകാരി അബീഗയിലിൽ ജനിച്ച ദാനീയേൽ രണ്ടാമനും

² ഗെശൂർരാജാവായ തൽമായിയുടെ പുത്രി മയഖായിൽ ജനിച്ച അബ്ശാലോം മൂന്നാമനും ഹഗ്ഗീത്തിൽ ജനിച്ച അദോനീയാ നാലാമനും

³ അബീതാലിൽ ജനിച്ച ശെഫത്യാ അഞ്ചാമനും എഗ്ലായിൽ ജനിച്ച ഇഥ്രെയാം ആറാമനും ആയിരുന്നു.

⁴ ഹെബ്രോനിൽ ദാവീദ് ഏഴര വർഷം ഭരിച്ചു. അവിടെവച്ചാണ് ഈ ആറു പുത്രന്മാർ ജനിച്ചത്. യെരൂശലേമിൽ ദാവീദ് മുപ്പത്തിമൂന്നു വർഷം ഭരണം നടത്തി.

⁵ അവിടെവച്ചു ജനിച്ച പുത്രന്മാർ: അമ്മീയേലിന്റെ മകളായ ബത്ത്-ശൂവയിൽ ജനിച്ച ശിമേയ, ശോബാബ്, നാഥാൻ, ശലോമോൻ എന്നീ നാലു പേർ.

⁶ ഇബ്ഹാർ, എലീശാമ, എലീഫേലെത്ത്,

⁷ നോഗഹ്, നേഫെഗ്, യാഫീയ, എലീശാമ,

⁸ എല്യാദ, എലീഫേലെത് എന്നീ ഒമ്പതു പേർ; ഉപഭാര്യമാരിൽ ജനിച്ചവരെ കൂടാതെ ദാവീദിനു ജനിച്ച പുത്രന്മാരാണ് ഇവർ.

⁹ താമാർ എന്നൊരു സഹോദരിയും ഇവർക്കുണ്ടായിരുന്നു.

ശലോമോൻരാജാവിന്റെ പിൻഗാമികൾ

¹⁰ ശലോമോന്റെ പിൻതുടർച്ചക്കാർ: രെഹബെയാം. അബീയാ, ആസ, യെഹോശാഫാത്ത്, യെഹോരാം,

^11-12 അഹസ്യാ, യോവാശ്, അമസ്യാ,

¹³ അസര്യാ, യോഥാം, ആഹാസ്, ഹിസ്കീയാ, മനശ്ശെ, ആമോൻ, യോശീയാ.

^14-15 യോശീയായുടെ പുത്രന്മാർ: ആദ്യജാതൻ യോഹാനാൻ, രണ്ടാമൻ യെഹോയാക്കീം, മൂന്നാമൻ സിദെക്കീയാ, നാലാമൻ ശല്ലൂം.

¹⁶ യെഹോയാക്കീമിന്റെ പുത്രൻ യെഖൊന്യാ അവന്റെ പുത്രൻ സിദെക്കീയാ.

യെഖൊന്യായുടെ പിൻഗാമികൾ

¹⁷ തടവുകാരനാക്കപ്പെട്ട യെഖൊന്യായുടെ പുത്രന്മാർ: ശെയല്ത്തീയേൽ,

¹⁸ മല്‌കീരാം, പെദായാ, ശെനസ്സർ, യെക്കമ്യാ, ഹോശാമ, നെദബ്യാ.

¹⁹ പെദായായുടെ പുത്രന്മാർ: സെരൂബ്ബാബേൽ, ശിമെയി. സെരൂബ്ബാബേലിന്റെ പുത്രന്മാർ: മെശുല്ലാം, ഹനന്യാ, അവരുടെ സഹോദരി ശെലോമീത്ത്.

²⁰ കൂടാതെ ഹശൂബാ, ഓഹെൽ, ബേരെഖ്യാ, ഹസദ്യാ, യൂശബ്-ഹേസെദ് എന്നീ അഞ്ചു പേരും ഉണ്ടായിരുന്നു.

²¹ ഹനന്യായുടെ പുത്രന്മാർ പെലത്യാ, യെശയ്യാ. യെശയ്യായുടെ പുത്രൻ രെഫായാ, രെഫായായുടെ പുത്രൻ അർന്നാൻ. അർന്നാന്റെ പുത്രൻ ഓബദ്യാ; ഓബദ്യായുടെ പുത്രൻ ശെഖന്യാ.

²² ശെഖന്യായുടെ പുത്രൻ ശെമയ്യ; ശെമയ്യായുടെ പുത്രന്മാർ: ഹത്തൂശ്, ഇഗാൽ, ബാരിഹ്, നെയര്യാ, ശാഫാത്ത് എന്നിങ്ങനെ ആറു പേർ.

²³ നെയര്യായുടെ പുത്രന്മാർ: എല്യോവേനായി, ഹിസ്കീയാ, അസ്രീക്കാം ഇങ്ങനെ മൂന്നു പേർ.

²⁴ എല്യോവേനായിയുടെ പുത്രന്മാർ: ഹോദവ്യാ, എല്യാശീബ്, പെലായാ, അക്കൂബ്, യോഹാനാൻ, ദെലായാ, അനാനി എന്നിങ്ങനെ ഏഴു പേർ.