PAMMUJI 93 - KITTA' MATANGKASA'

Batara, Karaeng mannannungang

¹ Batarami Karaeng; ammake kalompoang siagang kagassingang. Ammenteng kassa' linoa takkullea ta'lengga.

² Kassaki empoanTa battu ri uru-uruna, battu ri satunggu-tungguta nia' memangKi'.

³ Pila' nalompoi sa'ranna dapara'na tamparanga, o, Batara, pila' lompoi arrunna bombanna tamparanga.

⁴ Mingka Batara makoasa ri suruga, la'bi hebakkangngang na arrunna tamparang lompoa, la'bi gassingangang napa'jallo'na bombanga.

⁵ O, Batara, mannannungangi hukkunTa, matangkasaki BallatTa satunggu-tungguna.