PAMMUJI 87 - KITTA' MATANGKASA'

Pammuji mae ri Yerusalem

¹ Pammujina golongang Korah, se're kelong. Nabangungi Batara kotaNa irate ri bulu' matangkasa'Na.

² Battu ri sikontu kota ri Israel Yerusalem kaminang Nakamaseang.

³ Pilangngeri, he kotaNa Allata'ala, apa-apa appakalannasa' Nakananga ri passala' ikau:

⁴ “Mesir siagang Babel laKupantamaki lalang ri dattara' bansa-bansa mannurukia ri Nakke. Ba'lalo Filistea, Tirus siagang Sudan antamaki bilanna pandudu' Yerusalem.”

⁵ Mae ri Sion lanakana taua, angkana sikontu bansa a'jari taunna, lanipakajarreki ri Kaminang Tinggia.

⁶ LaNapantamaki Batara bansa-bansaya lalang ri dattara' pandudu' Yerusalem.

⁷ La'jogeki siagang lakkelongi ke'nanga, “Sion iami tampa' kabattuangku!”