PAMMUJI 54 - KITTA' MATANGKASA'

Pappala' doang appala' nijagai

¹ Untu' pamimping pakelong. Nirurungang ri kacapi. Kelong pangngajara'na Daud,

² ri wattunna battu tu Zifi mae ri Saul ampaui angkana, “Niaki Daud accokko ri kambe.”

³ O, Allata'ala, pasalamaka' lanri koasaTa, sarea' kaadelang lanri kagassinganTa.

⁴ Kipilangngeri pappalakku, o, Allata'ala, Kiparhatikang laloi kana-kanangku.

⁵ Saba' bansa maraenga ambangummi ero' ambundukia', eroki tau tampoa ambunoa', tena najampangi ke'nanga Allata'ala.

⁶ Mingka Allata'alami pannulungku; Batara Tumappatojengku.

⁷ LaNahukkungi musungku siagang kaja'dallang kalenna ke'nanga, laNapossoki ke'nanga lanri tamamminrayai mae ri nakke.

⁸ Rellai pa'maikku assare koro'bang mae ri Katte, siagang appala' sukkuru' ri Katte lanri bajitTa, o, Batara.

⁹ Le'ba'ma' Kilappassang battu ri sikontu kaja'dallangku, siagang kucini'mi musungku nibeta.