PAMMUJI 23 - KITTA' MATANGKASA'

Batara sanrapang pakalawaki ri nakke

¹ Pammujina Daud. Batara sanrapang pakalawaki mae ri kalengku, tena kukakurangang.

² Napara'bai kalengku ri parang ruku' moncongbuloa. Naulua' mange ri je'ne' attallasa' sannanga.

³ Nasarea' kagassingang beru, kuNarenreng mange ri oloang annabaya, situru' siagang janjinNa.

⁴ Manna kullalo ri ka'bung sassanga, tena kumalla' ri bahaya, saba' iKatte anrurunganga'. IKatte anjagaia' sanrapang pakalawaki anjagai gimbala'na siagang takkang na palu-palu lompo.

⁵ Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

⁶ Kuassengi angkana bajikKi' mae ri nakke, na Kituli mangngamaseang mae ri nakke. Kukkullemo ammantang ri BallatTa, lalang sikontuna tallasakku.