PAMMUJI 15 - KITTA' MATANGKASA'

Tau nipassiratanga mae ri Batara

¹ Pammujina Daud. O, Batara, inai akkulle annompang ri KemaTa siagang ammantang ri bulu' matangkasatTa.

² Tau tenaya callanna siagang anggaukangi bajika ri tallasa'na, siagang tau lambusuka ampaui tojenga;

³ tenaya napitinai paranna tau, tenaya na'gau' ja'dala' mae ri aganna, tenaya nabicara kodi siampi' balla'na;

⁴ ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

⁵ appappiinranga doe' natena nibungai; tenaya naero' annarima doe' pacoco' untu' ampakarugi tu tenaya salana. Tau a'gau' kammaya, latuli sannangi nasa'ring.