PAMMUJI 149 - KITTA' MATANGKASA'

Kelong pammuji

¹ Pujimi Batara! Akkelongko lagu beru mae ri Batara, pujimi lalang pa'rappungang umma'Na!

² Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

³ Pujimi arenNa nu'joge'-joge', pujimi siagang kacapi na rabana!

⁴ Mangngellai Batara mae ri umma'Na; Ia assarei pammetang tau tuna pa'maika.

⁵ Boli'mi kamma umma'Na Allata'ala a'rannu-rannu lanri katinggianNa, akkelong rannu sila'busu' bangngi.

⁶ Boli'mi kamma assa'ra lompo umma'Na mammuji ri Allata'ala, anna'gala' pa'dang le'ba' kantisi'

⁷ untu' ambalasaki bansa-bansaya, siagang anghukkungi suku-suku bansaya;

⁸ untu' ansikkoki sikamma karaenga, siagang anrantei sikamma pamarentana ke'nanga;

⁹ untu' anghukkungi bansa-bansaya lanri parentaNa Allata'ala. Iaminjo pammetanna umma' Nakamaseanga. Pujimi Batara!