PAMMUJI 14 - KITTA' MATANGKASA'

Kaja'dallanna rupataua

¹ Untu' pamimpin pakelong. Pammujina Daud. Tu toloa nakana ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki tena nia' a'gau' baji'.

² Battu ri suruga Naciniki Batara umma' rupataua untu' amboyai tau annabaya siagang anynyombaya ri Ia.

³ Mingka sikontu taua sala gau' ngasemmi siagang panra'mi, manna sitau tania' a'gau' baji'.

⁴ Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

⁵ Tau ja'dalaka lasanna' malla'na, saba' Nala'langi Allata'ala tu mannurukia ri Ia.

⁶ Tau ja'dalaka eroki narompai tu kasi-asia, Mingka Batara a'jari pa'la'langanna.

⁷ Poro battu ri Sion battu kasalamakkanga untu' tu Israel! Na larannu sikamma turunganna Yakub punna Napoterang kaadaang baji'na umma'Na.