PAMMUJI 131 - KITTA' MATANGKASA'

Tanjeng mae ri Batara

¹ Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

² Sitojenna, sannangi pa'maikku na tena nalussa'; sanrapang ana' lolo le'baka anynyusu, sannang tinrona niriwa ri amma'na, kammaminjo sannanna pa'maikku.

³ Manrannuangko mae ri Batara, he umma'Na, anne kamma siagang satunggu-tungguna.